نشر مصطفى كمال النابلي المترشح المستقل للانتخابات الرئاسية المقبلة تسجيل فيديو له على صفحته الفايسبوكية الرسمية أمس السبت صرّح من خلاله باللهجة العامية حرفيّا بما يلي : "فمة العديد من الناس إلّي قاعدين يخرّجو في موضوع من الأرشيف في المدّة الأخيرة حول الذهب وما الذهب وذهب البنك المركزي ...ربّما يستحق تفسير وتوضيح...أولا الناس تتحدث على شهادة..الشهادات موجودة في ما يخصّ هذا الموضوع...في جانفي 2011 عندما جئت للبنك المركزي من الحاجات الأولى إلّي عملتها قمت بتدقيق في ما يخص الذهب متاع البنك المركزي وهناك شهادات من مراقبي حسابات، من عدول منفذين إلّي شافو كل الذهب متاع البنك المركزي وخرّجوا شهادات ووثائق موجودة عند البنك الناس تنجم تشوفها، إلّي تفيد إنّو ليس هناك نقصا ولو بغرام واحد من الذهب للبنك المركزي التونسي..وقمت بندوة صحفية وقتها وتحدثت على هذا الموضوع ووقع الانتهاء من الحديث فيه...فمة البعض قاعدة تخرج في الموضوع هذا لأسباب سياسية بحتة ما عندها حتى معنى...والناس ترجع كذلك تشوف القائمات المحاسبية نتاع البنك المركزي في 2008 و 2009 و 2010 ويقارنو مع 2011 و 2013 يلقاو أن كميات الذهب نتاع البنك المركزي هي نفسها موجودة وما تحركتش تماما. ولذلك هذا الموضوع ما فيه حتى أساس من الصحة وما عندو حتى معنى أما هو حديث مستنقعات فقط ما عندوش حتى فائدة..ولذلك هذه آخر مرّة أتحدث فيه وإن شاء الله الناس إلّي يحركوا فيه ينساووه".