أنا إلي دمي بعثر في الثنايا مني كانت البداية لمستقبل مالو نهاية نخليلكم وصية إن شاء الله متكون منسية أنا إلي أنا إلي كنت قادح للثورة وماني فاضح للعورة أنا إلي قدمت روحي لتونس هدية والله ماكانت مزية فديتها روحي وباقي شويا نخليلكم وصية الثورة صارت وصية بين إيديكم إن شاء الله محمية لاتخونو الوصية والثورة الأبية إنتي إلي عييت تنادي خبز وماء والطاغي لا علاش بعد ماجمعتنا الكلمة الوحدة تفرقنا المآرب والانانية البحتتة نفسي نفسي لايرحم من مات وكلو ينبش في إلي فات أنا لا نحن أنا المظلوم أنا إلي طول عمري محروم حولتو جمالية الثورة إلى أشبه بالعورة محال حال يدوم ياشاب يإلي صنعصت الثورة لا تخليها تصير عورة ياشاب ياعربي يامسلم يهودي مسيحي مسلم على إختلافنا تونس تسع الكل وترحب بينا بإكليل من اليسمين والفل خلي أملك في غدوا كبير لربما يتغير المصير إخدم ثابر ولاتستسلم تونس ماتحيا كان بينا نغرسوها بيدينا بشحنة الأمل والكد والعمل كفا أقوال تونس محتاجة للأعمال أنا الشهيد نخليلكم وصية تونس بين إيديكم أمانة لاتتركوها للخوانة شهناز قمر-5 أكتوبر 2011-
