بلهجة عاميّة ساخرة دوّنت الكاتبة والمفكرة ألفة يوسف تقول للتونسيين على جدار صفحتها الفايسبوكية ما يلي: "بحكم الأنا المتضخم تلقى التونسي عموما يتعامل مع الانتخابات بمنطق الكرة وفقط بمنطق الكرة. المشكل المطروح هو شكون يربح وشكون يخسر، والرابح باش يشيخ وينبر على الخاسر والخاسر باش يتهم الشعب الجاهل وإلا الحكم الموش محايد (هيئة الانتخاب). وموش مهم اشنيّ البرامج الاقتصادية والاجتماعية وموش مهم ثم امكانية باش ها البرامج تتحقق وإلا لا. بالضبط كيف ما فرحوا بعض التوانسة بحكومة التكنوقراط، وبعد لقاو الأسعار ماشية وتزيد تشعل والشهرية ماشية وتنقص (بالمعنى الحقيقي موش المجازي)... المهم إن شاء الله فرقكم ديما رابحة، آما انتوما ربي يعوضكم على خسارتكم اللي فاتت واللي جاية..".