نداء الى كافة روّاد موقع التواصل الاجتماعي من امنيين و مواطنين و مشرفين عن الصفحات الامنيّة والغير امنيّة الهاوية منها والغير رسميّة : انك تتعاطف مع المؤسسة الامنيّة وتساندها فهذا شي نشكروكم عليه ونقدرو مآزرتكم وخوفكم عالوحدات الامنيّة انما لازم تعرفو الناس الكل الي الحرب عالارهاب تدار في الكواليس واعلاميا قبل المواجهات الميدانيّة بالسلاح فبنشركم صور الامنيين في حالة ضعف وانهيار او تنشرو صور الامنيين وهومة مصابين او ما الى ذالك فبهذا انتومة وصلتو هالظلاميين وين يحبو و هومة الهدف متاعهم الي عمايلهم القذرة يتم تداولها على اوسع نطاق زد على ذالك انك كي تنشر التصاور او مقاطع الفيديو هاذوكم فهذا فيه نوع مالحط في المعنويات لابناء المؤسسة الامنيّة والمفروض تنشزو مقاطع فيديو او صور تحفيزيّة ويشجعو اولادنا لمزيد البذل والعطاء علما وان دول الغرب كذالك هومة مستهدفين وشفنا فيهم برشة عمليات ارهابيّة ونحن نستنكروها ونشد على ايديهم لان الارهاب لا دين له انما كي تشوف المواطن الاوروبي كيفاش يتعامل مع الاوضاع بكل تفهم وبكل حرفيّة هذا يحفزنا بش نقتديو بيهم بالاخص في النقطة هاذي نشكركم جميعا لتفهمكم ونقدرو فيكم مساندتكم لينا ونعرفو الي انتومة بنشركم للتصاور او مقاطع فيديو قلوبكم معانا انما كيف قلنالكم ما نخليوش هالارهابيين يوصلو لغايتهم هي انكم تتداولو افعالهم الشنيعة و منها يدخلو فيكم الشك والخوف نشكروكم جميعا لمعاضدتكم المؤسسة الامنيّة ونحن نعولو على حسن تفهمكم لينا في النقطة هاذي .. انشالله تونس ديمة بخير والعزة للوطن