قال كريم الغربي اليوم الأربعاء 16 أوت 2017، انه تم الغاء عرض مسرحيته في الماتلين من ولاية بنزت. واعتبر الغربي في تدوينة نشرها في صفحته الخاصة على موقع فايس بوك أن سبب الغاء العرض يعود إلى الركح الذي ليس صلبا ولا يتحمّل وقوف أشخاص فوقه للعرض. وفيما يلي نص التدوينة: "في البلاد هذه فما ناس هوايتها تحطيم و تحشكيل اي وجه جديد ولا انسان يخدم على روحو البارح عندي عرض في مدينة الماتلين ادارة المهرجان كان في مكان معين بدلوه في بلاصة اخرى تهز اكثر جمهور باش يدخلو اكثر فلوس و جاو حطولي منصة ترعش طولها زوز ميترو و نصف وقالولي راهي تنجم تطيح بيك في كل وقت ( و تطيح راهو ضهرك يتقسم )وانا نعرض حتى فوق كبوط كرهبة الفنان لازم يتاقلم مع الضروف الكل لكن هذه بالحق مخطرة ومتاع موت قلنا للحماية تضمن فينا ماحبوش ياخي ماصارش العرض ..انا في هذا الكل ما غاضني كان الناس اللي قصت تساكرها مساكن و بقاو يستناو.. و كي روحت انا شعملو خرجو اشاعة للناس اللي انا حبيت يزيدوني فلوس بالتحديد مليون و ثمانية ميا ماكانش مانخدمش و باجات تهبط و اذاعات ...تي حاصيلو يكرهوك في روحك و ينغصو عليك فرحتك بطرف النجاح اللي عاملتو مسرحيتك (ملاحضة اهالي الماتلين لقيت منهم كان الترحيب خاطر عديت نهار كامل غادي و بالحق ناس محلاهم ياسر رجلة ..لكن ادارة المهرجان سناكيح )"
