أطلق أخصائي الإنعاش والتخدير الدكتور ماهر عباسي صيحة فزع داعيا الشعب التونسي إلى أن ينتفض قائلا"أيّها الشعب التونسي انتفض لإنقاذ والديك وممكن لإنقاذ أولادك ". وأوضح العباسي في تدوينة على صفحته أن "أوروبا عدات كوموند ب1,8 مليار جرعة من التلاقيح متاع الجيل الثاني الموجهة للسلالات الجديدة الي فمة إمكانية كبيرة ياسر أنو التلقيح الحالي ماهوش فعال علبها. تعرف شمعناها عدات كوموند ؟ معناها تناقشو وحكاو وعملو علاقات وتفاهمو وحضرو فلوسهم وطلبو التلقيح. " وتساءل "أحنا ويننا؟؟؟ في عام 2020 فاتنا قطار التلاقيح وهانا ندفعو في الفاتورة اليوم عشرات العائلات يوميا في حداد. يا توانسة فيقوا .... اليوم فمة قطار آخر باش يخرج مالمحطة إسمو قطار تلاقيح الجيل الثاني .... القطار هذا كان خرج وما خذيناش فيه بلاصة راو ممكن تجينا موجة مرعبة في سبتمبر. باش ناخذو بلاصة في القطار هذا يلزم فلوسنا عالطاسة ويلزم عنا علاقات ويلزمنا نستبقو .... وهذومة الثلاثة سياسيينا مستحيل يعملوه ولهذا يلزمنا ننتفضو لعايلاتنا وننقذوهم"، وتابع أن هناك رجال أعمال مستعدون للتبرع وكذلك التونسيون المقيمون بالخارج ، مضيفا أن العديد من التونسيين لهم علاقات وأن"15 الف تلقيح سبوتنيك جاو بتلفون من رجل أعمال ... عنا اليهود التوانسة فيهم شكون عندهم علاقات قوية على المستوى الدولي وينجمو يحلولنا في الجنة ذراع ... يلزمهم يمدو يديهم للبركة * الإستباق نعملوه أحنا بالضغط في الإعلام والفايسبوك" وختم بالقول إن هذهالموجة رغم صعوبتها يمكن أن تكون لعب صغار أمام الموجة البرازيلية وإلا الهندية وإلا التنزانية" مازال عنا شوية وقت باش ناخذو الترينو مع الدول المحترمة وننقذوا عايلاتنا في سبتمبر 2021..... ما تسكتوش .... ماتعملوش مولى الدار موش هوني ..... انتفضوا!!!!".