تبث قناة التاسعة منذ إنطلاق الشهر الكريم الكاميرا الخفية المثيرة للجدل ''ألو جدّة '' و التي تقمص فيها وسيم الحريصي شخصية المخلوع للإيقاع بعدد من السياسيين. و قد أثار هذا البرنامج جدلا بين مندّد بتبييض الرئيس المخلوع و بين مستهجن لمواقف الضيوف، و لم يفوت الشاعر لزهر الضاوي الفصة ليبدي رأيه في قصيد نشر منذ قليل : آلو..جدّة .!! " أُ ".." أُ" ..رُفَع ْ.. غدوة نقولو " الزّين" رجَعْ..! باين فيك يا "بن غربيّة" متوحّش حتى .. " النُخَاعْ "..!! جبت الكاميرا الخفية.. وفي قلبك ساكن "زَعبعْ"..! وروحك ليه..باين وفيّة.. و"تاسعتك" ليه تتّسعْ..! ودلّاع " الفوعة الثورية".. هاو طلع الكلّو قرَعْ..!! وما ناقصكم كان "صوفية".. وصوت الجوقة يرتفعْ..! ..ويجينا لابس كوفيّة.. ونورو من "مكة" يسطعْ..! وخرفانو في كل ثنيّة.. ترجع الكلّة تبَعبعْ..! ..فْ جُرّة ها النهضة المدعيّة.. اللي ضربت في المجتمعْ.. و سقاتو سم " الشرعية".. مرَض الشعب ومنها.. بلَعْ.. ..نادي عليه يا "بن غربية" وما ناش تنقولو ضَبّعْ.. ونحّي الكاميرا الخفية ولا تخاف ولا تتفجعْ.. ..نادي عليه بالصوت العالي مادام انت مقتنعْ.. ومَسّي على " حسّون " الغالي..