ما عادش باش نحضر قهوة الصباح، ما عاد باش نضحك في وجه ولدي، ما عادش باش نرسم الطلبة، ما عادش باش نطيب فطور بنين، ما عادش باش نقرا روايات، ما عادش باش نتفرج في فيلم تافه يضحك، ما عادش باش نشجع ليتوال، ما عادش باش نعوم في البحر، ما عادش ماشية لمهرجانات، ما عادش باش نعمل حتى شيء... مالا...الدينار طايح، والاقتصاد بالع، والسياسيين ما جاو شيء، والبلاد داخلة في حيط...وانا لاهية بال"تفاهات"؟ وكيف يعرضني عبد محتاج لمساعدة سريعة ما نعاونوش، الوضع ما يتحملش... موش وقتو المبادىء والحياة ما عندهمش وقت