تبيض أموال , تمويل الجماعات الإرهابية , نسبة نمو ضعيفة , كل المأشرات الإقتصادية بجميع أنواعها تبرز مدي تراجع البلاد و تقهقرها في جميع المجالات . باش نحكي اليوم علي موضوع مطروح بارشا و هو السياحة في تونس . مازالت بارشا عباد تدافع علي الناقلة الوطنية و كانو تونس ماغير الخطوط الجوية التونسية الي تمثل السيادة الوطنية بسرقة العباد و احتكار السوق لا تسوي شيء . مانيش باش نبعد بارشا هجا نشوفو المغرب المغرب تستعمل في أساليب و طرق متطورة لتدعيم سياحتها المغرب تواكب في العصر و النمط الأوروبي خدمة صحيحة يخدمو فيها مافما حتي اروبي الان مايعرفش المغرب مايعرفش كازا بلانكا ما يعرفش مراكش تشجيع علي السياحة و الخدمة علي التنوع في السوق العالمية العباد الكل تجي مل العالم كامل فما العديد من الطلبة العالميين في اروبا الي يمشيو للمغرب لانها تمثل رمز المتوسط بالنسبة ليهم ماغير مانحكيو علي الاستثمارات و الشركات العالمية لتحب تخدم غاد ?OPEN SKY / LOW COST النقل الجوي الي تخدم علي السعر المنخفض (60 70 اورو من اي مكان في اروبا ) كيماالعديد من الشركات wizzair / rynair /easyjet…. عندها فروع في المغرب و لاو العباد تمشيلها في كل اوقات السنة باش يراو الصحراء باش يراو الثقافة العربية الاسلامية باش يراو سحر مراكش شيفشاون و العاصمة الدار البيضاء السياحة الآن هي السياحة السريعة السياحة الثقافية بلغة أخري السائح يحب يجي 2 3 أيام و يمشي الخدمة علي الكمية علاش نستغلو في فترة واحدة لي هي الصيف ؟ سياحة وحدة لهيا السياحة البحرية راهو السياحة في تونس تخدم عام كامل كان جات الدنيا الدنيا المواقع الأثرية لعندنا قرطاج الجم الحنايا…… السياحة الصحراوية عندنا مطار توزر حاضر ينجم يستقطب آلاف من السياح في الفترة هذه Les dunes électroniques مثلا مهرجان كان ينجم يقلب الدنيا في الصحراء السائح بصفة عامة يحب يجرب و يري حاجة جديدة في حياتو المدينة العربي جبال عين الدراهم اغلبية الاروبيين حلمهم انهم يجربو جبال جدد و يراو مناظر طبيعية جديدة ماغير منحكي علي جربة و قرقنة النسبة ليهم جزر حلم بلحق شيء ياسف و يوجع القلب كي نحكي مع صحابي و نشوف لبلدان الاخري ما تزيد علينا في شيء و طايرا علينا النظام السياحي في تونس غالط لازمو يتعود كامل السياحة في بلادنا كنز و يكذب لي يقلق راهي حكاية فارغة السياحة هي لتعرف بالبلاد في العالم السياحة هي لي تعمل صورة باهية علي البلاد هي لتجيب المستثمرين العملة الصعبة هي المحرك الاقتصادي للبلاد هذا هوا السياسة الاقتصادية الجديدة في العالم و النمط هذا ما يتطلبش بنية تحتية كبيرة ياسر احنا عندنا أكثر من 7 مطارات ما يخدمو منهم فعليا كان 2 مع الفضائح tunisair و الغلا متاعها انفتح علي العالم و اكب العصر يزينا من سياسة عام 60 مانا ناقصنا حتي شيء كان volonté