لا يخلو التونسي من الطرفة ولا تتجاوزه الدعابة حتى يأخذ حظه منها ، وان كانت العقلية التونسية وخاصة تلك المفعمة بالشباب قد أذهبت عقول الساسة حكومة ومعارضة ونفذت فيهم صنوف من " التهكم" ما تنوء بحمله الجبال ، فيبدو ان هذه العقلية المتحفزة قد اشفقت على أهل السياسة فأعطتهم قسطا من الراحة لتتفرع الى الرياضة وخاصة المنتخب التونسي ، حيث تم بعث صفحة طريفة ومعبرة على موقع التواصل الاجتماعي أطلق عليها "الصفحة الرسمية للمتعاطفين مع منتخب الرأس الأخضر" ، احتوت على سيل من صنوف التهكم والتندر الذكية والحادة والتي من شانها الزج بأصحابها خلف قضبان السجون بتهمة الإبادة الجماعية لعناصر المنتخب بواسطة سلاح "التكركير"، الجماهير الغفيرة التي سجلت حضورها عبر المداعبات والتعليقات ترجت السيد سليم الرياحي شراء اللاعب الذي تسبب في ترشح الفريق القومي وضمه الى صفوف النادي الإفريقي ، في حين ارفق البعض صورة للاعب المعني وأرفقوا بجانبها "معشوق تونس إلي رشحنا للمونديال البرازيل 2014 …افرحووولي بيه" ، وبغض النظر كون لاعب الرأس الأخضر مسلم او عير مسلم فقد امطره التونسيون بوابل من الدعوات له ولوالديه. عينة من الأسلحة المستعملة : *حسب الفيفا ، انتهت مباراة تونس و الرأس الأخضر 3 أهداف لصفر لفائدة المنتخب التونسي، سجل الأهداف كل من بلحسن الشادلي في الشوط الأول ، أردفه سيدي محرز من كرة رأسية و أكمل مهرجان الأهداف سيدي بوسعيد الباجي في أواخر الشوط الثاني .. *تونس ترجع في سباق كأس العالم … نطيحو مع مصر في التصفيات النهائية ، بالطبيعة بالقليب و حب المريول و تونس ، لاعبينا باش يربحو مصر في القاهرة بثلاثية ، و نزيدوهم خماسية في تونس ! نترشحوا لكأس العالم ، نطيحوا مع بلجيكيا ، كوريا ، الأرجنتين … نربحو بلجيكيا و كوريا و نتعادلو ضد الأرجنتين …. فوز تونس على الماكينات الالمانية في ربع نهائي كأس العالم بعد مباراة ماراطونية 4ء3 بفضل ثلاثية عصام جمعة و رأسية كريم حڨي في دق 94 ! نطيحو ضد اطاليا في نصف النهائي ، بالطبيعة بالقليب و حب المريول … ، لاعبينا باش يربحو 2ء1 بعد هدف حسين الراڨد في الشوط الاضافي الثاني . اخيرا ، نترشحوا للنهائي : نطيحو ضد البرازيل صاحبة الارض و الجمهوور ، ما نكذبش عليكم كانت مباراة صعيبة برشا ، في دق 14 ركلة جزاء للمنتخب البرازيلي ينجح في تنفيذها مارسلو و يفتتح النتيجة 1-0 و كيما العادا بالقليب و حب المريول يعدل صابر خليفة النتيجة من تسديدة عن بعد 40 متر . دق 88 توغل من عصام جمعة يهز الكورة بدافيد لويز و يراوغ تياڨو سيلفا و يحط الكوورة في الزاوية 90 . مبروووووك لتونس كأس العالم !! *"مختار التليلي قبل قليل في الجزيرة الإخبارية : معلول سيبقى مع المنتخب !" الحمد لله ظهر الحق و طاح فيهم ربي *المُنتخب ماشي بمبدأ : رابحين خاسرين ، ماناش مروّحين هههههههه *نعاودو الماتش بلاش فرناندو فاريلا و نشوفو شكون يربح و يترشح *حالة ذهول و خوف في كامل الشارع الرياضي البرازيلي الأن بعد قرار ترشيح تونس على حساب الرأس الأخضر و أخبار تؤكد عن تعليق معسكر المنتخب الأرجنتيني بعد قرار الفيفا! *مشيش يجد عليكم نحنا منجمناش نربحو الراس لخضر نحنا كنا متلفين الجرة و برا… *أنباء عن بعض الملاعبية التوانسة يطالبون بال-Prime بعد الفوز على الرأس الأخضر بنتيجة 3-0 *معلول : الحمد الله لولاد كانو في المستوى و طبقوا التعليمات .. خاصة الكرات الثانية الكل كانت لينا و عرفنا كيفاش نخسروا… *المشكلة انو معلول ما تتم اقالتو كان كي مايترشحش بتونس للمونديال و هذا شنو مكتوب في الكونتراتو (عقد اهداف) *نتصور لو كان اتزيد اتخمم الفيفا خير *رضينا بالهم والهم مرضاش بينا !!! … ياخي ترشحنا
