قبل موعد عرض مسرحيته "ارهابي غير ربع" على ركح مهرجان قرطاج الاثري يوم 5 اوت المقبل ناشد رؤوف بن يغلان جمهوره مؤكدا انه لم يتحصل على دعم من أي مؤسسة. وأفاد بن يغلان في تدوينة كتبها على صفحته الشخصية على مواقع التواصل الاجتماعي "الفايسبوك" ان جمهوره هو سنده الوحيد. وفي ما يلي نص التدوينة: "جمهوري العزيز . إعلم أني ماتحصّلت على حتى تدعيم من أي وزارة كانت و من أي مؤسّسة كانت ، لاخاصّة ولا عموميّة بش تساعدني لإعداد وإنجاز مسرحيتي الجديدة "إرهابي غير ربع" رغم اللي الكلهم يبهبرو ويقولو اللي الإرهاب يلزم محاربتو بالثقافة والفن. و في الصحيح ما تلقى منهم حتى شئ . كلام في كلام اللي يزيد يدفع الغير ربع بش يوللي ماحرّرش . والحمد لله ما عمّلت على حتى تدعيم . المسرحيّة لقات نجاح كبير في عروضها أخيرا في صفاقس وفي تونس . بعد العروض الإستثنائيّة لفائدة الجيش . وزارة الدفاع مشكورة على الإهتمام بالمسرحيّة. أنا فخور بهذا الإستثناء وليس غريبا أن يكون من الجيش. والفرنسيس كذلك طالبينها باللغة الفرنسيّة لعام 2018 . . نعم أنا فخور أيضا بأن السند الوحيد اللي عندي هو محبّتك انت يا جمهوري العزيز الغالي و اللي على خاطر معزّتي و محبتي وإحترامي ليك، مستحيل بش نخلّى روحي نعمل اللي يجي رغم الضروف الصعيبه اللي يستحلاها في برشه من الأصحاب العقول المريضة بالتخلّف. أحبّك ياجمهور. موعدنا 6 أوت - فى مهرجان قرطاج على ركح المسرح الأثري إيجاو تفرّجو في مسرحيتي الجديدة " إرهابي غير ربع""