نوضحوا حاجة: في إطار النقاش على طيران الإمارات وما تابعوا برشا كلام فيه تضليل قاعد يدور. من نوع "جماعة قطر وجماعة الإمارات في تونس" او أنصار قطر وأنصار الإمارات. نحكي على الرأي العام بما فيه شعب الفايسبوك المختار. الواقع أنو الشارع التونسي والفايسبوكي فيه فقط جماعة قطروتركيا في حين جماعة الإمارات ما فماش وعمرهم ما توجدوا أصلا. هيا جرب اكتب ستاتو وانقد أوحتى سب الإمارات....ما يجاوبك حد...وجرب اعملها مع قطر والا مع تركيا.....وعينك ما ترا كان النور...تهبط عليك الطامة والعامة تقول بخرولهم....الحقيقة في الرأي العام فمة أنصار تونس بتونس وفمة أنصار تونس بهاذكم الأخرين تميم وعبد الحميد الثاني...وكان لزم ينصروا هاذوكم الأخرين بتونس....ها الجماعة هاذم هوما اللي يقولوا "تقسموا فينا بين جماعة قطر وجماعة والامارات في تونس" لأنو الغاية يدخلوا غيرهم في المحاور المتخلفة....وهوما اللي يقولولك "والله تقسموا فينا أحنا التوانسة على قضية تجمعنا وهي المرأة"...والحال أنو فرصة باش تضرب خصمهه في الصراع الإقليمي غادي....التسكبين لا