سارع الشاعر الغنائى إسلام خليل مؤلف أغاني المطرب الشعبي شعبان عبد الرحيم إلى كتابة أغنية عبر من خلالها عن تضامنه وكل المصريين مع غزة التي تعرضت لعدوان إسرائيلي أسفر عن مقتل 318 وجرح المئات. ونقلت وكالة الأنباء الالمانية عن خليل قوله الاثنين انه بمجرد ما شاهد احداث غزة الاخيرة على شاشات التليفزيون قام بالاتصال فورا بشعبان عبد الرحيم - وقال له افتح التليفزيون واتفرج على اللى بيحصل وقال له أنا هاكتب وأنت هتغنى لأننا لازم نقف جنب الفلسطينيين". وأضاف إسلام: "اتفقت مع شعبولا على تسجيلها بسرعة لإثبات موقف ، خاصة أن الفنانين المصريين أصبحوا كسالى ولم يتحرك أحد للتضامن مع الشعب الفلسطينى ولو بأغنية " . وتقول كلمات الأغنية: غلبت أكتب أغانى مش لاقى كلام يتقال اللى بيحصل فى غزة حرام ده ولا حلال قنابل نازلة طالعة على الأرض وعلى البيوت والدنيا فى غزة والعة والناس عمالة تموت يا عالم حد يلحق يا عالم حد يحوش إن شاالله حتى بجزمة زى اللى خدها بوش الشعب العربى اتأذى.. الشعب العربى حزين على اللى بيحصل فى غزة وبيجرى فى فلسطين 300 شهيد وأكتر بالضرب ليل نهار والدم فى كل حتة والناس ما بين حصار مكسوف أكتب أغانى والدم مستباح لكن ورقتى ميدانى وقلمى هو السلاح بدل ما تلوموا مصر وتجيبوا سيرة الناس شوفوا الحرب اللى دايرة بين فتح وبين حماس طول عمر مصر واقفة وبكامل شعبها مشغولة بالقضية وبتسعى لحلها الظلم الإسرائيلى ع الوطن العربى زاد وما بنعملش حاجة غير بس نقف حداد دى دولة ملهاش لزمة وهدفها دايماً قذر عايزالها ألف جزمة زى بتاعة منتظر.
