نشر المؤرخ الجامعي والمحلّل السياسي عادل اللطيفي اصدارا فايسبوكيا تعليقا على الحوار الذي أجراه راشد الغنوشي مساء الثلاثاء في قناة نسمة ورد فيه ما يلي: " ملخص لقاء راشد الغنوشي: "خوذوا الانتخابات وخليولنا الديمقراطية. ياخي بيناتنا نحنا مانا بكلنا مسلمين مع بعضنا والصغير يكب على الكبير". يرحم فم جماعة كلام الليل. هذا كلام تقال على ديمقراطية بن علي. والفاهم يفهم. يا سي راشد (أو الديمو) : راهو التوافق بين الأحزاب يجي في حالة الخلاف كيما وقت اللي فلستوا الدولة وما حبيتوش تسيبوا الحكومة. أما الديمقراطية والانتخابات فيحكمها الاختلاف والشعب يا سيدي هو اللي يختار. ولذا خلونا نقولو كلمة معاكم. الانتخابات والديمقراطية حاجة و"أمركم شورى بينكم" والبيعة حاجة أخرى يا سادة. واللي يشكوا من فراغ سياسي وما عاد عندهم ما يقولوا للشعب ما يلزمهمش يفرغوا العملية الانتخابية من محتواها كخيار شعبي حتى ولو انقلبت وضعية 23 أكتوبر والصفر فاصل صار 89 ".