التقى رجلان كانا قد انتميا لحزبين من أحزاب المعارضة التي خسرت في الانتخابات الأخيرة التي تمّ فيها انتخاب أعضاء المجلس الوطني التأسيسي. والتي سمّيت بعد ذلك بأحزاب الصفر فاصل. فهما قد انخرطا إلى التيار اليساري والأقطاب الحداثية. احتضنتهما مقهى "l'univer"الكائنة بشارع الحبيب بورقيبة بالعاصمة في البداية استسمحا النادل حتى يأتيهما بكوبين من الشاي وقارورة من الماء العذب البارد. إثر ذلك أخرجا من طيات ثوبهما سيجارتين وولاعة وانشغلا بالتدخين لبرهة من الزمن. امتلأت المقهى بدخان السجائر المنبعثة من الزبائن الواردين عليها صباحا ومساء الذين لا همّ لهم سوى تعكير بهو المقهى بالسموم القاتلة لهذه الآفة الفتّاكة التي تفتكّ بصاحبها وتجعله أسيرا لإدمانها ومعبودا لها. وبدءا يتجاذبان أطراف الحديث وهما يحتسيان شيئا من الشاي اللذيذ الطازج الذي تمّ طبخه بإتقان. أما محور الحديث فهو بخصوص الاضرابات والاعتصامات في عدّة مدن من المدن التونسية.والمستجدّات التي حصلت في الساحة السياسية للبلاد فبادر الصديق صديقه : "* ياخي الحكّام الجدد علاش ما عجبوكش؟ - علا خاطر يحبّوا يرجْعونا للإسلام بعد ما خرجنا منّو. . وانت ما تحبّش لإسلام؟ - صلّي على النبي وخلينا مسلمين يعيّشك. . ألف ولا يزّيه - إمّالا أسكت علينا. ياخي مزّلنا متاع اسلام؟ . واش كان عليه ياخي الإسلام غول والاّ بعبع خايف منّو - بصراحة نحب الشيخات والقعدات والبواتات والإسلام ما يحبّش هذا. نقتل روحي؟ . وشنوّا نعملوا. حكومة الجبالي هاي مقلقتنا؟ - عندي فكرة نحطولها العصا في العجلة . ما فهمتش - ماو احنا لا باس علينا واغلبنا واصلين وشادين مناصب في مفاصل الدولة. ياخي اشكان علينا كان نوقّف الزبّال وما يخدمش وياخو شهرية باردة وهوّ قاعد. . يا خي انجموا نعملوا هذا؟ - اي نعم انجموا ما تعرفشي اللي عروفاتهم متاعنا يقولولهم اخدموا يخدموا وكي يقولولهم ما تخدموش ما تخدموش - والله فكرة . ونوصّيو إلّي يخدم في اللاسنتي باش يدرّع خواطر التونسي - كيفاش . نهبطوهم مالكار برشا مرات والتونسي ماو نرفوزي يعمل حالة ويخلبزها ويكرهم ويكره النهضة اللي ما نجمتش تتحكّم فيهم ويعملوا كيما يحبّوا. - صحيح . ونْوقْفوا مشاريع البلاد حتى يِتفلقطْ التونسي ويخرج من عقلوا. - تبرك الله عليك تفهم في السياسة مليح. . زعمة في الحالة هاذي الشعب ما يقولش للنهضة ديقاج. - يقول . زيد ما تنساش عندنا إعلام نجموا نعملوا عليه يحب يبرّك لبلاد داخليا وخارجيا يبركها. - نسيت حاجة يا صاحبي. . شنوة ؟ - وكي النهضة اتطرد الزبّال واللي يخدم في الكبانية وغيرو وتجيب غيرهم آش عملنا وجا مليح. . النهضة ما تنجمش تعمل اللي قلت عليه يا حومة. - وضّح لي ؟ . ماو كان عملت اللي قلت عليه تحِل على روحها باب بلا ولاتحاد الشغل يتغشش ويخرّجهم في اعتصامات واحتجاجات وتبرك لبلاد وهذا اللي نحبوه يصير والتلفزة متاعنا تعمل هيلولا. - والله فكرة حتى الشيطان ما يعرفهاش. . يا خي يقول القايل علاش التلفزة والجرايد تقلبوا على الحكومة الجديدة بعدما كانوا طبابلية في عهد بن علي. زعمة علاش. - على خاطرنا ولّينا ديمقراطيين؟ . لا موش صحيح. - إمّالا علاش؟ . على خاطر التلفزة والجرايد من حزبنا واغلبهم يساريين ما يحبّوش لاسلام. - توّا بركة فهمت هي وما تخافش كان نشدوا الحكم كيما شدت النهضة في الانتخابات الجاية هام يعملوا كيما نعمل ويعرقلونا لبلاد. وهكة تونس ما تقفش على ساقيها. . ما ينجموش؟ - علاش؟ . على خاطر احنا موش هوما – هوما يخافوا ربّي وما يعملونا شي واحنا كنشدّوا الحكم نستعملوا معاهم سياسة الأرض المحروقة. - ما فهمتش؟ . ما ريتش حافظ الاسد كيفاش دفن مدينة "حمى" وبعدو صدام حسين ضرب الشيعة بالكيمياوي والقذافي هرّس الليبية قبل ما تدخّل أمريكا وقطر وفرانسا ويعاونوهم وبشار بقا بلاش شعب اللي مات مات واللي تشرد تشرد. - أما ضرنتك إنت مهف وتفهم في السياسة بلقدا فيصل بوكاري - تونس
