علّق الإعلامي هيثم المكي في تدوينة نشرها على صفحته الخاصة بموقع “فايسبوك” على طرق وآليات محاربة الفساد في تونس وعن جدواه قائلا: “بربي علاش تقاوموا فيه الفساد؟ لواه عاملين قوانين وهيئة وقطب قضائي، وشوقي طبيب باش يشلط روحو، وسامية عبو بلحوحها خارج، وصحافة تكتب ومراكز تبحث؟ فاش قام؟ ما الجدوى من محاربة الفساد، وقت اللي شخصيات عامة تتشد وتتحاكم بتهم تتعلق بالفساد والتحيل والابتزاز، مبعد دوبا تخرج من الحبس ترجع لنفس الموقع اللي كانت فيه؟”. وأضاف المكي “برهان بسيس مثلا مرتزق سياسي، ردّوه إعلامي وصانع رأي عام، تحاكم في قضية فساد، ودخل للحبس، يعمل هكة الرئيس المرحوم هارون الرشيد زمانو يعطيه عفو خاص بالذمة، ودوبا يخرج من الحبس تهزو قناة التاسعة للبلاتو… سمير الوافي عندو أكثر من خمسة قضايا، بين تحيل وابتزاز، وتحاكم في وحدة منهم، خرج من الحبس كيف كيف، هزتو قناة التاسعة للبلاتو.. وموش أي بلاتو راهو، برنامج خاص بالانتخابات الرئاسية، يعني المترشحين للرئاسة باش يحاوروهم الفاسدين والمتحيلين..” وقال هيثم المكي إنّ آل جنيّح، مالي القناة جعلوا قناتهم “مركز رسكلة للفاسدين والمرتزقة”.