الغاية لا تبرر الوسيلة يا سي أحمد نجيب الشابي و الظلم ما هوش باهي هند الهاروني في 16 ماي 2011 العنوان : في نابل :الشابي يهاجم النهضة https://www.facebook.com/video/video.php?v=214631421895191&comments و ماذا بينا وقتلي ترى الي سياستك ما تمشيش ماعاش تقولنا : "و إلا" و "ماكانش" رانا ما نخافوش لا من حزب النهضة و لا مالجيش و لا مالفوضى و لا من أي شئ. سي أحمد نجيب الشابي إذا حزبك عندو برنامج و إنت متفق فيه معاه مش كيما عندما دخلت في الحكومة المؤقتة ما شاورتهمش، برنامج يفيد و يقنع الشعب و أحرار الثورة بالخصوص و النخبة و الأحزاب و منهم حركة النهضة، قدمو. علاش تستعمل في المنابر للتهجم على حزب حركة النهضة نفس الأسلوب خدم بيه بن علي المخلوع و شوفو و ينو تو ... و أحنا ماعادش قابلين إلي همو الوحيد بش يولي "رئيس" يحط ضحايا على الطريق .... و حزب النهضة ماهوش حاشى من يسمع "البهيم القصير بش إلي يجي يركب عليه". الأستاذ أحمد نجيب الشابي يتهجم على حركة النهضة بخطابات جوفاء و من الأسباب الرئيسية هو أنها لم تقبل تواجده في حكومة هي امتداد لبن علي زمن اعتصامات القصبة كما هو شأن كثير ممن يساندون الثورة التونسية أما أن يجعل شغله الشاغل التهجم على حركة النهضة و اقحام آيات معدودات من آيات القرآن الكريم في سياق يريده هو و يجعل منها تحديدا لماهية برنامج حركة النهضة بعد أن يخرجها من سياقها الذي تعتمده النهضة عندما استشهدت بالآيات التي يذكرها عنها و يكررها على لسانه و لا يذكر أية نقاط إيجابية لبرنامج حركة النهضة بل و يعطي صورة مغلوطة مفادها أن حزب حركة النهضة ضد الحداثة ثماش ما يخوف الشعب كما كان يعمل"الرئيس" المخلوع و اتباعو من حزب التجمع المنحل و غيرهم. شبيك قبل الثورة ما كنتش تتهجم على حزب النهضة و بها العلنية، كنت "تخزن" لانتخابات مقبلة للحصول على أصوات النهضويين ؟... إذا كان عاجبك حزب التجمع المنحل آش مدخل حزب النهضة بش تحب تكره المجتمع فيه؟ في ميزان الديمقراطية كل واحد يدلو بدلوه ... و الحكم النهائي للشعب هذا هو التحرر من الدكتاتورية بجميع أشكالها./. انتهى.
