دبارتنا لليوم في شهر رمضان الفضيل: تشيش بالقرنيط، نواصر بالدجاج، بريك و سلاطة امك حورية و للسهرية كعابر تمر بالشوفان بدقلة نور التونسية mg j'aime حاجة صحية و فيسع تحضر و كان تحبو تعرفو كيفاش إليكم الوصفة المكونات كعبات دقلة نور التونسية mg j'aime 2 مغارف كبار شوفان 50غ لوز و بوفريوة محمصين شكلاطة للطلي أو جلجلان حسب الرغبة طريقة التحضير في وعاء نحطو كعبات تمر دقلة نور التونسية mg j'aime بعد ما نظفناهم و مسحناهم مليح و نحينالهم القلب و معاهم الشوفان و اللوز و البوفريوة و نرحيوهم الكل مع بعضهم ويوليو عجينة متماسكة نشكلو العجينة لكعابر صغار متساوين و نجمو نحطو في وسط كل وحدة كعبة لوز أو بوفريوة كيما نجمو نغلفوهم بالشكلاطة او الجلجلان و صحة و بالشفاء.