كشف النائب ياسين العياري في تدوينة على صفحته أن الحكومة قررت العودة إلى السماح باستعمال أكياس البلاستيك لنقل الإسمنت، متهما إياها بالعبث بصحة التونسيين. ودوّن النائب قائلا "حكومة 18% بطالة، -21% نمو، العبث بصحة التوانسة بتلوين الدول حسب الطلب تضرب من جديد!ودائما من مجال البيئة ما خرجناش! لأسباب يبدو أن ورائها صفقة، تفخفيخة، قررت الحكومة في آخر أيامها، العودة للأكياس البلاستيكية لنقل الإسمنت!". وتساءل ياسين العياري"لفائدة من قرار الساعات الأخيرة؟ لمصلحة من؟ علاش تضحيو بالبيئة وصحة أولادنا؟ لأي لوبي رضختم ومقابل ماذا؟ما حبيتوش تحشموا؟ ما كفاكمش حجم الفضائح؟ ما كفاكمش تلوثكم السياسي و المالي، وليتوا تلوثوا في البلاد؟ في بالكم بش تعملوا تفخفيخات الخروج؟ تضمنوا حويجة على حساب البلاد؟ تمسخوا بلادنا لفائدة أصحابكم؟ فلأبشركم : يبطى شوية! وعدا! سنبحث عن المستفيد الحقيقي، ولشكون بعتم بلادنا وصحة أولادنا ونلاحقكم في المحاكم وستدفعون الثمن! وماكم جربتونا : حين نقول؟ نفعل! تنحي أكياس روقية تنجم تكون مضادة للماء وتعوضها بأكياس البوليستار الي البصمة الكربونية متاعها أكثر مرتين ونص، بأكياس البوليستار الي تسيب في الماء معادن ثقيلة وماهيش بيودغرادابل، هذه جريمة في حق الأجيال القادمة! ستبقى تونس خضراء، رغما عنكم وعن تفخفيخ الدقيقة تسعين!"