استرجع وزير السياحة السابق روني الطرابلسي ذكرياته مع الراحل النائب مبروك الخشناوي بوجع كبير. ودوّن الطرابلسي على صفحته بالفيسبوك ذكريات جمعته بالراحل وخاصة الوقوف الى جانبه عندما كان مريضا بكوفيد-19. وكتب الطرابلسي: "ربي يرحمك خويا وصديقي الغالي مبروك الخشناوي. وجيعة كبيرة ملي سمعت خبر وفاتك نهار الخميس 07 جانفي 2021 بعد صراع مع هالفيروس اللعين كورونا. نتفكر كي مرضت انا بيه كنت تقريبا كل يوم تطلب في عايلتي تسأل عليا وتطمن على حالي وبعد كي فقت والحمد لله خرجت من الكلينيك جيتني لفرنسا بالذمة باش اطل عليا وتراني وتطمن على أحولي.. عمري ما ننسى وقفتك معايا في مرضي وهزان المورال لعايلتي..تمنيت لو كان نجمت نشوفك وإلا نعاونك في مرضك اما هذا حكم ربي..الحمد لله على كل حال. توا محسوب 12 يوم ملي مشيت علينا مازلت مانيش مصدق..كنت تطلبني عالصباح وتقلي ربي معاك صديقي وربي يوفقك خاطرك انسان تحب تخدم بلادك بضمير..كلامك كان ديما يعطيني شحنة معنوية باش نواصل خدمتي ونزيد نقدم وما نهبطش يديا.. ربي يرحمك يا خويا الغالي ويصبر أهلك وأصحابك..انت من الناس القلائل الي يحبوا بلادهم بلحق ويسعاو باش يقدموا بيها ويصلحوا ما يمكن إصلاحه.. شفت اليوم الجلسة العامة لمجلس النواب والي بداوها بالترحم عليك يعطيهم الصحة..بلاصتك فارغة والمجلس افتقد روحك الخفيفة وتبسيمتك المتواصلة حتى في حالات التوتر الي شهدها المجلس كنت ديما تتعامل معاها بإيجابية وببرودة أعصاب وحنكة.. ربي يرحمك خويا الغالي ويصبرنا على فراقك.."
ربي يرحمك خويا وصديقي الغالي مبروك الخشناوي. وجيعة كبيرة ملي سمعت خبر وفاتك نهار الخميس 07 جانفي 2021 بعد صراع مع... Publiée par René Trabelsi روني الطرابلسي sur Mardi 19 janvier 2021
