انتهجت رئيسة كتلة الحزب الدستوري بالبرلمان سياسة البث المباشر على مواقع التواصل الاجتماعي لكل تدخلاتها بمكتب المجلس واللجان والجلسات العامة لكنها سرعان ما حولت هذه التقنية الى وسيلة لاستفزاز النواب ونشر فيديوات لهم على الرغم من معارضتهم لذلك. لم تكتف عبير موسي باستفزاز النواب فقد اصبحت تستعمل موظفي المجلس والصحفيين لتصفية حساباتها السياسية الضيقة. وقد نشرت موسي مساء امس فيديو مباشر تطالب فيه موظفة بالبرلمان بمدها بقائمة اسماء المساعدين البرلمانيين للكتل وتعمدت استفزاز الموظفة وتصويرها على المباشر واتهامها بالتستر على "جواسيس" مما استدعى تدخل نقابة موظفي المجلس الذين قامت بالتشهير بهم ايضا. كما تعمدت موسي تصوير صحفي ومنظفة في ايحاء غير مباشر بانهما كانا في خلوة مشبوهة وقد اعلن الصحفي عن اعتزامه مقاضاتها ورفع الامر الى نقابة الصحفيين. وكتب الصحفي سرحان الشيخاوي في تدوينة له "شرف الناس ولا لعبة يجيك لبلا يا غافل..كنت قاعد في بيفات المجلس ..انا وزملاء نتحدثو خرج الزملاء وبقيت ..جيت خارج نلقاهم سكرو الباب الفوقاني متاع البيفات .. رجعت للولاد الي يخدمو في البيفات صابر ووسيم وزوز اخرين ..قلتلهم راهو الباب مسكر.. جاني صابر قلي ايجا نخرجك من باب اخر يقعد محلول ..باب مخصص للمنظفين وبعض العملة ..وصلني هو على خاطر ثمة برشة دخلات وخرجات منعرفهمش ..وصلت للباب قتلو يرحم والديك ارجع على روحك .. حليت الباب وجيت خارج نلقى عبير موسي قدامي تصور ..تعديت على روحي عادي ومشيت نخدم ... كملت الخدمة حليت الفيسبوك نلقى عشرات الميساجات من الزملاء باعثينلي فيديو مصورتو عبير ..فيه انا متعدي وورايا منظفة في المجلس تخدم على روحها...وعبير تقول "شيعمل هذا هنا"... وليت كايني انا كنت مع المنظفة.. وللاسف العقل البشري التونسي ينجم يقتنع الي انا والمنظفة كنا وحدنا ،في مساحة فيها نواب وعملة وامن رئاسي ومنظفين ومنظفات و..و..و... في انتظار توضيح من عبير ، اتصلت بيها اكثر من مرة ومتهزش ..قبل الانطلاق في تتبع قضائي لكل الصفحات والناس الي خدمت على تصفية حساباتها السياسية على كتافنا ،وقبل الاتصال بالنقابة واتخاذ ما يلزم . خوكم من الضحايا العرضيين للايف النواب ..الرجاء خوض معارككم بعيدا عنا".