"واحد كاتب: الحياة اختيارات، وانت اخترت باش تكون استاذ...معناها اخترت الفقر، وتو سكر فمك... اولا، الاستاذ عشرين سنة لتالي، وحتى عشرة، كان عايش بكرامة...المعلم في الستينات السبعينات يضربو بيه المثل...في الثمانينات الاستاذ الجامعي كان من الطبقة العليا...ما كانش مفروض يجي لبالنا اللي باش يجيو جماعة همال وسراق يحوفو فلوس البلاد...ويعملو اقتصاد موازي متاع تهريب، وتهرب من الضرائب... وهنا نجيو لثانيا، معناها اللي اختار التدريس يستاهل، اختار مهنة فقر...ما عليه كان يختار مهنة ينجم يسلب فيها المواطن مقابل ارتهان صحته والا حقوقه القانونية والا ماكلته..ويضرب مليارات ويدكلاري ملاليم... عاد بها المنطق، حتى حد ما يختار مهنة التعليم...واشكون باش يقري لكم فلذات اكبادكم اللي خذاوهم رهينة جماعة المافيا... حتى احنا هانا قاعدين..."