المهم عملنا انتخابات ...موش مهم اشكون ربح ...واشكون خسر ....موش مهم اشكون باش يولي رئيسنا ... المهم عندنا ديموقراطية ...وصناديق ...وخلوة ... وتصويت ... المهم نغطسو صوابعنا في الحبر الاسود ... و المهم نمشيو للسبيطار ...المهم عندنا سبيطار ...وموش مهم الطبيب والفحص والدواء ...وموش مهم كيف نرجعو لديارنا بالوجيعة اللي مشينا بيها ... والمهم نوصلو للعين وحتى كان ما نشربوش منها ما يسالش ...المهم وصلنا للعين وحتى كان نموتو بالعطش مايسالش .... هاك العام قال الدوعاجي : ما يسالش كان يضربني مسمار في ساقي ...المهم مايضربليش الصباط ...ومايسالش كان يدخل عود في عيني ...المهم مايكسرليش المرايات ...