في الفترة الاخيرة ولّيتْ نحس بروحي موش قد روحي وروحي هي بيدها مطلّعتلي روحي وجروحي الظاهرة والخفية زايده عليّ ومعمقة جروحي وكل مرة نقول هاني تفرهدت الا ونحس بجرح جديد يعزز صفوف بقية جروحي حتى قلت بيني وبين روحي :جروح العالم بكلها تألبت عليّ وعلى جروحي واصبح جسمي كله مصحة خاصة لجروح جروحي المريضة والمتألمة على آخر رمق وقديما قالوا " العضمة ما تقول طق كان فيها شق " وما شقّ عليّ في المدة الاخيرة ان البدن ما عادش متحمل جبال الصبر وها انا انتظر رحلة الشفاء من عند ربي.