تعامل بطريقة ايجابية وتفاؤلية مع محيطك وخاصة الاصدقاء لان يوم اجتماعي بيتفاعلو الرفقات معك وبتحقق معن نجاح اذا بدك بس لاتسمح للأخطاء الصغيرة تفوتك بمشكلة وخاصة المسا وكون دقيق .. عاطفيا .. لا تنتظر المبادرة اليوم وحاول تطلع وتعيش حبك وابتعد عن الانفعال زيادة .. الثور يوم مهم عندك بس الناس يلي معك ماعم يتركوك بحالك عم تدور الأحاديث عليك بالايجابي والسلبي انتبه وخليك دقيق وكون حريص انك تتم عملك على احسن وجه والمسا بتلاقي دعم من الاصدقاء الك .. عاطفيا .. لاتتخذ قرارات متسرعة لتخرب العلاقة بالعكس انا بنصحك بالهدوء والتفكير بعلاقتك بجدية اكتر .. الجوزاء يوم حلو وبيحملك تغيير مهم بحياتك ممكن سفر وتعامل مع ناس اول مرة بتحكيه خليك ذكي وانتهز الفرص وتعامل مع يومك بتفاؤل اكيد والمسا بتناقش امور وتغييرات مهمة .. عاطفيا .. لا تترك مجال للشك عند الشريك .. السرطان اليوم تشعر بشوية راحة بعد أيام ارهقتك على كل الأصعدة حاول تاخد نفس وتفكر بمصالحات وتلطيف للأجواء بالعمل وانتبه لمصروفك ومساء تعرف على ناس جديدة .. عاطفيا .. انت بحاجة لفترة من الراحة من العلاقات العاطفية او حتى التفكير الأسد اليوم توترك عم يزيد وماعم تتحمل الكلمة هالشي عم يخليك تزعل بسرعة وتنفعل وماتعرف تشتغل ولا حتى تدرس حاول تهدى وكون بعيد عن الأجواء المشحونة وبالليل افضل انت وبترتاح نسبيا .. عاطفيا .. مابعرف اذا وصلت الامور مع الشريك لمشكلة أو بعد ما وصلت بس بدي تنتبه كتير منيح .. العذراء ماعم تعرف تسيطر على اعصابك وهالشي عم يخلي بعض الناس يستغلو هالشي ليستفزوك حاول تنتبه لشغلك لان عم يزيد ودير بالك على صحتك قدر الامكان والمسا بتناقش امور شراكة .. عاطفيا .. المشكلة دايما انو راسك ماعم يتحمل الغباء والاهمال وهالشي بكبر المشاكل حتى لو صغيرة . الميزان يوم داعم الك في حظوظ حلوة يوم ممكن يحملك حلول وفرصة لنجاح حاول تستغل الفرص وخاصة اذا فرصة مالية وعندك تراكم شغل وممكن تتعب صحتك المسا فانتبه .. عاطفيا .. بتحس اليوم بتحسن الأجواء رومنسيا وبتسمع خبر حلو او بتتلقى الاعجاب من حدا .. العقرب اليوم عم تشغلك قضية عائلية ممكن احد الوالدين صحتو عم تشغلك حاول تكون هادي وكمان عم تفكر تغير بالمنزل والمسا اجواء رومنسية ناطرتك .. عاطفيا .. لاتتردد وحاول تكون متفهم للشريك مافي شي بيدعي للقلق المهم تكون واثق من حبك .. القوس الحلو اليوم انو عم تحس بطاقة وقدرة على العمل حاول تستغل هاليوم وتفاعل مع محيطك انتبه اذا بدك تشتري اوتبيع موبايل او شي قصة بتخص الانترنت والمسا بينشغل بالك بقصص العيلة .. عاطفيا .. لا تعتب على حدا يلي بحبك رح يرجعلك وخليك واضح .. الجدي أنت اليوم عم تفكر بتحسين بشغلك بس خايف من الامور المالية ومصروفك عم يزيد وانت بحاجة لتنظيم ميزانيتك والمسا في فرصة لاتصالات حلوة او مشوار قصير .. عاطفيا .. حاول تحصن حبك من حكي الناس حتى يستمر وكون قريب من الشريك .. الدلو اليوم كمان عم ترجع لنشاطك وطاقتك اليوم تدريجيا استفيد من القوة يلي عندك لتغير الأمور لصالحك لتحل مشاكلك لتفرض رأيك وحالك وتكون جاهز ليوم الحظ بيدعمك فيه بفرص حلوة والمسا بتعالج امور مالية .. عاطفيا .. لاتتسرع لأن أي شي ممكن ينهي علاقتك وفكر تصالح لتحصل على الاستقرار والراحة .. الحوت يوم عم يحملك تراجع بالمعنويات وملل كتير وخوف من القادم عم تتعب وتحس بنوع من اليأس انتبه هاليوم قدر الامكان ولا تتصرف بشي وانتبه لصحتك والمسا بترجع طاقتك وبترتفع المعنويات وبتكون أفضل .. عاطفيا .. يوم مخيب عم تفقد ثقتك بالناس وماعم ترتاح لوضع علاقتك لكن في اخبار حلوة المسا ..
