- كتب الصحفي سعيد الزواري التدوينة التالية : "اليوم في بنقردان كان فمة مأدبة غداء بش يحضر فيها عائلات شهداء ملحمة 7 مارس، عم مبروك الموثق أب اصغر شهيدة سارة الموثق صاحب مقولة 'وطني قبل بطني' كان من بين المدعوين وحب يقرب للموكب الوزاري وكان عندو استفسار علاش ما تم تدشين المركب الرياضي الي وعدوه بش يكون باسم الشهيدة بنتو، وفي لقطة مخزية تلفتلو والي الجهة وقلو: شنوة عم مبروك يبدو انو بطنك اصبحت قبل وطنك وسط ضحك الحضور، عم مبروك الى دفع باصغر شهيدة في الاحداث، قد ما حاورتو شخصيا او سمعتله حوارات عمره ما طلب حاجة مادية، كان عندو امنية وحده انو يقع تدشين المركب باسم بنتو تقع اهانته بهذه الطريقة من مسؤول دولة مستهتر وغير مسؤول غايته الوحيده التملق للمسؤولين. الحادثة وقعت اليوم مع نص النهار، اقسم بالله كلمني عم مبروك عندو درج مازال يبكي من الإهانة والضيم الي حسهم. هذي بلادكم وهوكا مسؤوليها."
