قال أشرف هاشم علي رقيب شرطة بمركز منفلوط والذي فقد 3 من أبنائه في حادث قطار أسيوط خسارتي كبيرة ولكن هذا قضاء الله وقدره، وأشار إلي أنه فور تلقيه الخبر أسرع مهرولاً إلي مكان الحادث وكان عنده أملا أن يجدهم أحياء، موضحاً ان أولاده محمد 13 سنه وهاشم 12 سنه وأحمد 9 سنوات عثر عليهم أشلاء في غمضة عين. واجهش بالبكاء قائلاً: لو خدوا روحي كان أهون من اللي حصل . وتابع كان ابني الكبير محمد راجل وكان خايف عليا من كتر المصاريف وقالي يا بابا انا عايز اترك التعليم علشان أخفف عليك المصاريف أنت بتتعب وبتصرف علينا كتير . فقلت له : يابني متعولش هم أنا لو بعت هدومي هخليكم تتعلموا. وبكي أشرف بحرقة قائلا في نبرة حزينة مكنتش عارف إن التلاتة هيتركونا ويتركوا المدرسة. ومن ناحية اخرى قالت الطفلة أمل عزت مصطفي 5 سنوات من قرية الحواتكة مدينة منفلوط والناجية من حادث قطار أسيوط"القطر دخل في الاتوبيس وأنا نطيت من الشباك وأخويا مصطفي مات". وقالت أمل "أنا مش هروح المدرسة تاني علشان أمي مش هتخلينى اروح تاني وأنا كمان مش عايزه أروح علشان أخويا موته القطر" يذكر أن الطفلة أمل نجت من حادث القطار بينما لقي شقيقها مصطفي 8 سنوات مصرعه أسفل عجلات القطار.
