انتقد المؤرخ الجامعي عادل اللطيفي الجهل المنتشر لدى رجال الأعمال الذين يسعون إلى البروز إعلامياً والذين تجتمع في شخصياتهم ثلاثية المال والجهل وانتفاخ الذات. ودعا اللطيفي في إصدار فايسبوكي أصحاب الشهائد العليا المعطلين عن العمل إلى التفكير في مشروع محو أمية لرجال الأعمال. وفي ما يلي النص الكامل الذي نشره المؤرخ الجامعي على صفحته الرسمية في موقع التواصل الاجتماعي الفايسبوك: " ثلاثية المال والجهل وانتفاخ الذات: توة بربي السيد متاع "حالتنا متعبة أصل" فهمناه. الله غالب هذاك حد جهدو وماعندوش إمكانيات وما قراش. أما اللي محيرني أكثر رجال الأعمال التوانسة اللي مكلوبين على البروز. اللي يتكلم ينسيك في الجهل متاع اللي قبلو وكإنهم ولا حد منهم عندو السيزيام. راهي الفلوس اللي ما تثمرش في مولاها عمرها ما تثمر في البلاد. كيف نتذكر إنو أول برجوازيات ظهرت في أوروبا كانوا أصحاب المطابع والنشر اللي لعبوا دور مهم في نشأة الدولة الحديثة ونشوف الكائنات اللي عندنا تسواد في وجهي الدنيا. لا، وزيد صحة رقعة من فوق. الكل يتسابقوا للإعلام أشكون اللي يقول كارثة أكبر من خوه. لذا نقترح على أصحاب الشهائد العليا المعطلين يفكروا في مشروع محو أمية لرجال الأعمال. خدمة نظيفة والفلوس ما نحكيش."