جاء في تدوينة للدكتور زكرياء بوقيرة : في الايامات الجاية مازال بش يتواصل الانخفاض في عدد الموتى وهذا بفضل الحجر الصحي اما المشكل ان الحجر الصحي كان لمدة زمنية غير كافية ونبهتكم من قبل ان بعد ترتيحة صغيرة بش يرجع الانتشار توة عدد الإصابات رجع في نسق تصاعدي بعد ما وصل ل457 إصابة نهار 14 ماي مع معدل اسبوعي ب790 إصابة يومية يطلع توة المعدل الى 1285 إصابة يوميةالاخطر من هذا هو عدد التكاثر (Rt) الي بعد ما وصل ل0.88 نهار 13 ماي يعاود يطلع ليوم لل0.98عدد التكاثر هذا مهم للغاية بش نعرفو حال الوباء دوب ما يفوت ال1 يرجع الوباء ينتشر بصفة exponentielle نشالله الطلعة الاخيرة تطلع بركا variation stochastique اما كان تتأكد في الأيام الجاية فهذا يعني ان الموجة الخامسة قد بدأت بالفعل الحل واضح وعندي عام ما فماش تدوينية تهبط من غير ما نعاود نذكركم فيه الحل هو حجر صحي شامل لمدة زمنية كافية ترجعنا للصفر حالة (شهرين)مادامنا ما فهمنهاش هذا بش نواصلو نلعبو مع الكورونا هي تطلع ياخذو إجراءات هي تطيح ينحيوهم ونواصلو هكاكا الى ما لانهاية المشكل ان في الأثناء بش يضحيو بعشرات آلاف التوانسة اخرين
