أجهزة الدولة تقريبا غائبة تماما في معتمدية جبنيانة، كيف تناولنا قبل وقلنا، أكثر من الشهر جبنيانة دون معتمد، دون رئيس بلدية وحتى الجمعية الرياضية رئيسها استقال، اضافة انو منصب والي صفاقس في شغور قرابة الشهرين... يعني معتمدية فيها اكثر من 50 ألف نسمة فيها مركز شرطة ومركز حرس فيهم عدد قليل جدا من الأعوان الذي لا يفي بالحاجة (يراهم يأمنوا رواحهم) مع سيارة فقط لكل مركز، في نقص واضح للتجهيزات، حتى من المقرات (الشرطة والحرس) فضيحة لا مكاتب تليق بمؤسسة سيادة ولا والو، وخاصة مركز الشرطة الي هو كارثة حتى وقت الي وقعت فيه تحسينات مؤخرا تقريب بقيمة 95 ألف دينار، المقاول ركب رخامة في مكتب الاستقبال وركب فص بلار وليق زوز غرف تقريبا وريڤل السطح الشمسي ودهنة صغيرة والسلام والرحمة ان شاء الله ما نسيت حتى شي آخر وحتى كان نسيت حكاية فارغة، الحاصل والي نحب نقولوا، حبينا نطالبوا بتركيز وحدة أمنية اخرى وتعزيز الجانب الامني بالمنطقة لكن هذا ما صارش، خاصة انو المنطقة والجهة بصفة عامة من اكثر المناطق فيها الهجرة غير الشرعية وخاصة في الفترة هذه قوارب الموت كل ليلة تخرج من سواحل المنطقة محملة بالافارقة وكيف غدوة الي يخرج ميت والي يمنع والي يغرق ومفقود من أطفال وكبار ونساء شي يوجع القلب، منطقة أصبحت مصنعة لقوارب الموت، ورشات لصناعة هذه القوارب الحديدية دون المواصفات المطلوبة (نوع الطولة او الحديد دون المواصفات، طريقة اللحام كذلك دون المواصفات المطلوبة وعندكش عندي وياما أرواح ماتت وكلاها الحوت، اضافة الى السرقات في كل ليلة وفي كل وقت وفي كل مكان، واربعة اعوان ادور وهذا الموجود،... العدد الموجود من الأعوان والتجهيزات الموجودة لتفادي هذه الظواهر لا تفي بالحاجة، عدد الاعوان الي يخدموا في المراكز الموجودة يراهم يحزوا عركة في حومة ببن ثلاثة من ناس، عدد الاعوان قليل برشة، مش هوما ما يخدموش، اما ما ينجمش يخدم خاطر سبحان الله ساعات تواتيه حالة تتطلب نقولو 4 سيارات و20 عون على الاقل، وين خارج هو ويلقاوا رواحهم عددهم خمسة مثلا!؟.... وزيد توا لا معتمد ولا والو، منطقة مهمشة وهمشوها ومنطقة في بعض الأحيان يبعثولها لبعض المؤسسات متاعها الموظف او العون أو المسؤول المعاقب، يعني اي واحد يحبوا يعاقبوه يبعثوه لجبنيانة.... الحاصل حالة حليلة وربي يجريها للصلاح.
