اليوم رحلة مبرمجة من مطار صفاقس.. باتجاه مطار شارل ديغول بفرنسا.. توقيت الرحلة من المفروض التاسعة صباحا.. المسافرين من ال 7 متاع الصباح في المطار بالطبيعة.. اعلموهم وبكل برودة دم ان الرحلة ستتأخر الى الساعة الرابعة عصرا… عاااااااااااادي.. المواطنين اللي جاو من ديارهم رجعوا واللي جاو من الولايات الأخرى بقاو مطيشيييييييين… عاااااااااااادي…. المسافرين الأعزاء للواحدة بعد الزوال يتصلون بالمطار… والمطار ما ناقصو كان يحلف بالطلاق اللي الرحلة ثابت انها في الرابعة بعد الزوال… المسافرين في المطار من الساعة الثانية ليجدو ممثل الخطوط التونسية وهو يعلمهم بأن الرحلة ستتأجل لأجل غير مسمى.. وطلب مشكور من المسافرين انهم يمدوه بأرقام هواتفهم للاتصال بهم قبل بساعة من رحلة لا يعلمون موعدها… منذ قليل تم الاتصال بهم وقالولهم بالحرف الواحد.. براو ارقدوا على رواحكم الليلة ما ثمة شي … ناس عندها التزامات وخدمة وقراية وسخط وهم وشوف وشوفوا الخطوط التونسية كيفاش تتصرف …. الحاصيلو حالة غضب شديد في صفوف المسافرين وعايلاتهم … ولا من مجيب ولا من رد قدرت عليه الخطوط التونسية… كان برة ارقدوا… يرقد سعودكم الحاصيلو وسعود اللي عينكم … فضحتونا لين ولات الفضيحة تستعار منا… كلن جات الدنيا دنيا راكم في الحبوسات .. مسؤولين ما تطمانش تخليهم يعسوا حتى على زريبة متاع غنم