على صفحته الرسمية قال وزير الصحة الاسبق سعيد العايدي : ” واجب علينا نحترموا هيبة الموت وألم الوالدين والعائلات و نتمانولهم السلوان وصبر كبير على قدر محبّة الملائكة الي رحلت ! هذا علاش متشبثّين في بني وطني بانّ قطاع الصحّة لازم يكون قطاع سيادي و هذا السبيل الحقيقي في اطار رؤية وارادة سياسية لانقاذ الصحّة وتطبيق فعلي للفصل 38 من الدستور ! للاسف هناك سياسية ممنهجة لتحطيم الصحة العمومية عن معرفة او عن جهل ! قلتها مرارا واكرّرها ! والويل كلّ الويل للّي يتصدّى لهذه السياسية ! يحاربوه بكلّ الوسائل و مش لازم يدفعوا الثمن الي عطاو حياتهم واحلامهم لمهنتهم ! مش لازم تطعن الصحة العمومية الطعنة الاخيرة القاتلة …لازم يكون تحقيق شفّاف يبيّن المسؤولين الحقيقين ! اثار تحقيق الرقاب الهزيل الي قتل اطفال مش بتصفية جسديّة لكن بطريقة اخرى لم تمح بعد ! لم ننسى .. و لن نتخلّى عن مشروعنا لانقاذ الصحّة العمومية العمود الفقري للصحة و للسلم الاجتماعي !”