في ثلاثة سنين عدد العمليَّات الإرهابيَّة نقص بصفة واضحة. من هجومات و خسائر و شهداء، ولّينا نتحدثو على إستباق عمليات وإفشال محاولات. إستراتيجيّة الحكومة وخدمتها اليوميَّة عطاو نتيجة. و منظومتنا الأمنيَّة والعسكرية بنساها ورجالها عطات الدَّليل أنّها درع يحمي تونس. اليوم، كابوس 2015 خلِّيناه ورانا. وبالرَّغم من الأوضاع الاقليمية الصعيبة والتَّهديدات اليوميَّة فإنُّو الثِّقة رجعت. صحيح ما ثمة حتى بلاد فيها صفر مخاطر، وصحيح اليقظة ديما لازمة، لكن ثِقة التوانسة في رواحهم رجعت و ثِقة السُّوَّاح في تونس رجعت و ثِقة المستثمر الخارجي و الدَّاخلي في بلادنا رجعت. السَّاس إلِّي نبنيو عليه الثِّقة هاذي هو أمن البلاد. اليوم السّاس صحيح.