والله شي يدوّخ العباد كيف فقدت عقلها وتبدلت 180 درجة وولات تخضرط ياسر وتهز وتسبط … أي سيدي اليوم الصباح مع الثمنية ونصف في قرمدة شاحنة كبيرة وطويلة عاملة بعمايلها وشبكت مع تاكسي عامل بعمايلو زادة ..رصّاتليشي نتفرّج في فيلم رعب بلاش فلوس ؟ التاكسي يحب يدوبل والشاحنة تسكرلوا الكيّاس في الاخير حتى الضو الاحمر ما حزّهاش ومعركة الكرّ والفرّ تتواصل .. أنا قعدت فرّاج بزمردة متاعي ما نقدرش عليهم آما والله صدقوني ألطاف الله وقفت وإلا الحكاية ولات فيها ضحايا …. تو هذا عقل بنادم ؟ تو الواحد كيف يسوق موش يلزموا يكون بعقلو ؟ الله يهديهم ويلطف بخلق ربي من امثالهم ويجيبهم نشالله كف وغرزة هوما ودوريّة امنيّة …