يا سيدي بن سيدي حكاية والغلّة وتوابعها ولات كيف لغز البيضة والدجاجة شكون جا قبل صاحبو .. يا سيدي ما يهمناش شكون وصل قبل صاحبو … أنا نحب نحل لغز آخر اصعب : شكون جا قبل الغلّة وإلا بيوت التبريد ؟ بالحرام بيوت التبريد هي الي تحكم في البلاد تو … يعطيونا في الغلّة ب compte goute … الغلة الي ترخص شويّة تتقطع مالسّوق وتخرج بعد نهيرين بسوم آخر … هاذم الإرهابيين الي نلوجو عليهم يا سيدي هاذم إلى يمصّو في دم التونسي … التونسي الوكال والتونسي الفلاح … الجماعة هاذم كيفهم كيف إلى شادين الشعانبي مجرمين طراز اوّل … المشكلة الحاكم يعرفهم وهو إلى رخصلهم وهو إلى يحمى فيهم ومن بعد يحل فمو ويقول الحكومة تخمم عالزوالي … يا سيدي الزوالي ما يخمم عليه حد باللازمة الناس الكل تخمم على جيابها ومصالحها والزوالي ليه ربّ كريم