يا سيدي بن سيدي اليوم ماشي نحكيو شويّة على الحلو … هو إسمو حلو لكن صدقوني يا رجال ماثماش ما امرّ منّو … مسكين بو العايلة إلى يدخل للبلاد العربي على كعيبتين لوز وحارة بوفريوة وأويدة كاكاوية ورطيل شكلاطة … انا واحد مالناس خرجت نتشفّع … ألشفاعة يا امة محمّد …. محمّد ما قالش على الحلو والبقلاوة وشماتة التجّار في الزواولة … محمّد ما نصحناش نشدّو الصفّ على كيلو زلابية ضربة ضربة للسكّر …يا سيدي إحنا فاهمين كل شيء بالغالط وكلنا غالطين … أكثرشي أنا نحكى هكّة وعدّيت ليوم ساعتين على حارة لوز وساعة على رطل زلابية … الله يسامح إلى كان السبب