تورس : حوار إفتراضي بين بورقيبة و بن على حول سيدي بوزيد..

الغاء كافة الرحلات المبرمجة لبقية اليوم بين صفاقس وقرقنة.. "طوفان الأقصى" يفجر أزمة جديدة في إسرائيل نجاح عمليات الأولى من نوعها في تونس لجراحة الكُلى والبروستاتا بالروبوت الوكالة الوطنية للتحكم في الطاقة تنظم ثلاث دورات تكوينية في المحاسبة الكربونية لفائدة الأساتذة الجامعيين الليلة: الحرارة تترواح بين 4 و12 درجة الإطاحة بشبكة لترويج الأقراص المخدّرة في القصرين..#خبر_عاجل مناظرة 2019: الستاغ تنشر نتائج أولية وتدعو دفعة جديدة لتكوين الملفات كأس افريقيا للأمم 2025 : المنتخب الجزائري يفوز على نظيره السوداني بابا نويل يشدّ في'' المهاجرين غير الشرعيين'' في أمريكا: شنوا الحكاية ؟ هيئة السلامة الصحية تحجز حوالي 21 طنا من المواد غير الآمنة وتغلق 8 محلات خلال حملات بمناسبة رأس السنة الميلادية أستاذ قانون: العاملون في القطاع الخاصّ يمكن لهم التسجيل في منصّة انتداب من طالت بطالتهم تمديد أجل تقديم وثائق جراية الأيتام المسندة للبنت العزباء فاقدة المورد كأس افريقيا للأمم: فوز بوركينا فاسو على غينيا الاستيوائية 2 - 1 الديوانة تكشف عن حصيلة المحجوز من المخدرات خلال شهري نوفمبر وديسمبر توننداكس ينهي معاملات الإربعاء على منحى سلبي القصور: انطلاق المهرجان الجهوي للحكواتي في دورته الثانية في الدورة الأولى لأيام قرقنة للصناعات التقليدية : الجزيرة تستحضر البحر وتحول الحرف الأصيلة إلى مشاريع تنموية الرابطة الأولى: علاء الدين بوشاعة رئيسا جديدا للمستقبل الرياضي بقابس الديوان الوطني للأسرة يجهّز ثلاث مصحات متنقّلة بهذه المناطق زلزال بقوة 1ر6 درجات يضرب هذه المنطقة..#خبر_عاجل عاجل: شوف شنيا قال عصام الشوالي على الماتش الجاي لتونس عاجل: بعد فوز البارح تونس تصعد مركزين في تصنيف فيفا عدّيت ''كوموند'' و وصلتك فيها غشّة؟: البائع ينجّم يوصل للسجن تزامنا مع العطلة المدرسية: سلسلة من الفعاليات الثقافية والعروض المسرحية بعدد من القاعات مرصد حقوق الطفل: 90 بالمائة من الأطفال في تونس يستعملون الأنترنات عاجل/ بعد وصول سلالة جديدة من "القريب" إلى تونس: خبير فيروسات يحذر التونسيين وينبه.. قائمة سوداء لأدوية "خطيرة" تثير القلق..ما القصة..؟! حليب تونس يرجع: ألبان سيدي بوعلي تعود للنشاط قريبًا! هام/ المركز الفني للبطاطا و القنارية ينتدب.. عاجل: هذا موعد الليالي البيض في تونس...كل الي يلزمك تعرفه قابس: أيام قرطاج السينمائية في الجهات ايام 25 و26 و27 ديسمبر الجاري بدارالثقافة غنوش ندوة علمية بعنوان "التغيرات المناخية وتأثيرها على الغطاء النباتي والحيواني" يوم 27 ديسمبر الجاري على هامش المهرجان الدولي للصحراء رد بالك: حيلة جديدة تسرّق واتساب متاعك بلا ما تحسّ! تركيا تعلن العثور على الصندوق الأسود لطائرة رئيس الأركان الليبي المنكوبة عركة كبيرة بين فريال يوسف و نادية الجندي ...شنوا الحكاية ؟ درجة الحرارة تهبط...والجسم ينهار: كيفاش تُسعف شخص في الشتاء هذا هو أحسن وقت للفطور لخفض الكوليسترول تونس: حين تحدّد الدولة سعر زيت الزيتون وتضحّي بالفلاحين بول بوت: أوغندا افتقدت الروح القتالية أمام تونس في كأس إفريقيا عاجل: تغييرات مرورية على الطريق الجهوية 22 في اتجاه المروج والحمامات..التفاصيل صفاقس: تركيز محطة لشحن السيارات الكهربائية بالمعهد العالي للتصرف الصناعي عاجل: اصابة هذا اللّاعب من المنتخب اتصالات تونس تطلق حملتها المؤسسية الوطنية تحت عنوان توانسة في الدم راس السنة : جورج وسوف بش يكون موجود في هذه السهرية مع بداية العام الجديد.. 6عادات يومية بسيطة تجعلك أكثر نجاحا وزارة التجهيز تنفي خبر انهيار ''قنطرة'' في لاكانيا عاجل/ قضية وفاة الجيلاني الدبوسي: تطورات جديدة.. البرلمان الجزائري يصوّت على قانون يجرّم الاستعمار الفرنسي تونسكوب تطلق نشيدها الرسمي: حين تتحوّل الرؤية الإعلامية إلى أغنية بصوت الذكاء الاصطناعي عاجل/ العثور على الصندوق الأسود للطائرة اللّيبيّة المنكوبة.. كأس الأمم الإفريقية المغرب 2025: برنامج مباريات اليوم والقنوات الناقلة..#خبر_عاجل اتحاد المعارضة النقابية: استقالة الطبوبي ليست نهائية ولم تكن مفاجئة عبد الستار بن موسى: المنتخب الوطني قادر على التطور.. والمجبري كان رجل مباراة اليوم دعاء السنة الجديدة لنفسي...أفضل دعاء لاستقبال العام الجديد الطقس اليوم شتوي مع أمطار غزيرة بهذه المناطق..#خبر_عاجل مع الشروق : تونس والجزائر، تاريخ يسمو على الفتن في رجب: أفضل الأدعية اليومية لي لازم تقراها برّ الوالدين ..طريق إلى الجنة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

حوار إفتراضي بين بورقيبة و بن على حول سيدي بوزيد..

رافع القارصي نشر في الحوار نت يوم 26 - 12 - 2010

حوار إفتراضي بين بورقيبة و بن على حول سيدي بوزيد

نص و حوار إفتراضي بقلم رافع القارصي / ألمانيا
كوميديا سياسية / أدب ساخر
الإهداء إلى شعبنا الثائر في ربوع الوطن الغالى
برغم الجراح و العذاب و الألم نقاوم ونبتسم و نسخر من غباوة الجنرال ونصنع المستقبل بالأمل و بإذنه تعالى ننتصر

وللفكاهة في زمن الإنتفاضة نصيب ألم يقل شعبنا أن " كثر الهم يضحك "

من وحي الإنتفاضة حوار إفتراضي بين بورقيبة و الجنرال بن على:

بعد أن فقد بن على كل الثقة في مستشاريه حيث فشلت كل الحلول المقترحة من طرفهم في إيقاف الإنتفاضة الشعبية قرر الإلتجاء إلى ولى نعمته السابق بورقيبة طلبا في النصح خاصة بعدما بدأت العاصمة في التحرك و هذا ما دار بينهما من حوار خيالي :

بن على : سيدي الرئيس عسلامة لاباس صحتك بخير حبيت إنجي إنزورك و نسهل على إحوالك تو مدة ما شفتكش إنشاء الله عاد الجماعة عاملين معاك الواجب و ما إحشموناش معاك ها ها ها ....

بورقيبة : أه إشكونك إنت ياولدي ما عرفتكش سامحني بدون محقرانية النظر على قدو أكاهو الرجوع إلى ربي آش نعملوا آذيك الدنيا .

بن على : بجدك تو ما عرفتنيش بالحق ولا تفذلك
إذا كان بجدك معناها خرفت و جيانى أنا ليك حكاية فارغة باش إتزيد إتكمل على همي ناقصك أنا
بورقيبة : يا سيدي وراس ليلى مرتك ما عرفتك ها ها ها لا يا زين حبيت بركة إنشيخ أعليك و نرفزك إشوية هو إيجي منو ننسا ك عملت في إشوية إنت .
ياخي آش فيك ما تبدل حتى شئ حتى من الصبغة إمتاع شعرك قعدت هي بيدها لا لا ما نسيتيكش أيا إتفضل أقعد مرحبا مرحبا .

بن على : و الله هبلتني سيدى الرئيس تو واحد مهف كيفك ينساني فيسع ها ها ها
الله يهديك سيدي الرئيس دخلتني بعضي .

بورقيبة : يا زين براس أمك يزي من هل إرويق البارد و نحي على كلمة سيدي الرئيس
سيدي الرئيس و إنت ضربة ضربتين سيدي الرئيس سيدي الرئيس فك يزي مل ماصك ما زعيم كان في ضربان اللغة و الفعل إيجبوا ربي ياخي مش نحيتني و جبت 7 أطباء و خذتلي بلاصتي و من وقتها و ليت إنت هو الرئيس و إلا أنا غالط .

بن على : لالا صحيح و أنا موش ناكر هذا ولكن راي الدنيا إتبدلت معادش كما كانت في وقتك يا بورقيبة راني إنعاني إنعاني فديت روحي طلعت ما عادش ماشية معايا كما لعوام الأولى إيه يا حسرة كنت إندز فيها بالركايب ما إنفلت شئ و الشعب و الشباب لاهين في الزطلة و في البيضة و الكحلى موش شالقين بل للعاب إمتاعي أنا و العائلة و مللى إطلعت هل الجزيرة والإنترنات و زاد إخلط أعليهم و كيليكس يظهرلي باش نخلط أعليك و ناخوالأنتريت على بكري و طرسيلى لا 2014و لاهم يحزنون .

بورقيبة : اللهم لا شماتة اللهم لا شماتة اللهم لاشماتة إشنية ما تقوليش جبالوك حتى إنت 7 أطباء و خرجوك من القصر كما أعمتلي إنت ؟؟؟؟

بن على : لا يا سى لحبيب لا مصيبة أخرى مصيبة أخرى
بورقيبة : ما تقوليش طلقت و إلا ولدك الصغير فد من القرايا و المكتب على بكري كما بوه .
بن على : تي لا لا موش هذا يا سي لحبيب
بورقيبة : إتكلم يا ولدي شيحتلي ريقي مولاباس آش فما ؟؟؟
بن علي : سيدي بوزيد يا سي لحبيب سيدي بوزيد !!!
بورقيبة : أه آش قلت سيدي بوسعيد شبيه إنسيبك راجل بنتك صخر ما إستحق شوية فلوس باش إكمل القصر إمتعو عاد هذا هو إللي بيك موش مشكل إنسلفك قد ما تحب و رد وقتلى إتحب.
بن على : و الله تو إنرد أعليك قالوا فلوس و قالوا سلف .
يا ولدي سيدي بوزيد سيدي بوزيد

بورقيبة : إى بارك الله فيك تحب تهز تفرهدني في سيدي بوسعيد
يعطيك إصحة ما قصرتش حتى أنا شاهي شيشه في القهوة العالية و إشوية بانبلوني
أى باهي هاتو إن قوم إنحضر روحى و نخرجوا جميع مارسي عليك يا زين يا باهي .

بن علي : تو إشنية تو يا سي لحبيب يا سي لحبيب سيدي بوزيد ولاية
سيدي بوزيد سيدي بوزييييييييييييييييييد بو .................زيد فهمت تو وإلا إنزيد إنْعَيِطْ
بورقيبة : وطي صوتك تي أنا فاهمك من المرة الأولى يا " إصطك" أما حبيت إنشيخ أعليك و برى ها ها ها ها ها ها .
بن على : بصحتك يا سي لحبيب طلعتلى الدم راني حرت مش عارف آش نعمل مع جماعة سيدي بوزيد و الضرب وصل للعاصمة بالرغم الطلبة و التلامذة مصلعين ملا وقتى يرجعوا في جانفي للقرايا آش إصير في أنا و عائلتي راو معادش جيينى نوم راني وليت إنحربش باش نرقد يا سي لحبيب براس لعزوزة مانى ولدك شوفلى حل شوفلى الحل .

بورقيبة : إنشوفلك حل علاه بابا قالولك علي سليمان لبيض إمتاع مسلسل رمضان ؟
بن على : يا سي لحبيب راك هبلتني تجبد على بالدم البارد تو هاذ وقت تفدليك
برجوليه جيتك على خاطر نعرف عندك خبرة في" التمثيل" بكلمة واحدة في 3 جانفي 84
في مظاهرات الخبزه خليت الشعب كامل ينسى كل ما عملناه فيه أسبوع كامل و هبطوا للشارع يصيحوا " يحيا بورقيبة ... يحيا بورقيبة ... يحيا بورقيبة .... و رجعت الأمور رايضة كالعادة
تعمل إمزية راني في ورطة براس لعزوزة عاوينى و الله ما ننسى هالك عمرى كامل .

بورقيبة : عمرك كامل ... آش مازال فيك
بن على : نعم
بورقيبة : لا لا موش معاك موش معاك يا ولدي
بن علي : آه آش قلت سي لحبيب تعاوني أمان أمان براس لعزوزة .
بورقيبة : و الله يا زين إنت وقت كبري ما إسترلجلتش معاى و مرمدتني و لوحتني كي الكلب
بالرغم إن أفضالى عليك يعرفها القاصي و الداني و لكن مش مشكل كل واحد يلقى فعله
وكل واحد يعمل بأصلو ولكن ما إنخبيش عليك راو وضعيتك مزمرة برشة و يا ذنوبي كان تمنع هذه المرة على خاطر مشكلتك موش مع سيدي بوزيد أكا هو إنت مشكلتك مع الولايات الكل من بنزرت إلى بن قردان و إذا كل ولاية تطلب حقها تعيشش قد نوح ما تنجماش تعطيها ربع الحق شوف يا ولدي في عهدي أنا كان قلة من الشباب إيحبوا يحرقوا إلى إيطاليا أما في عهدك الشباب ما عادش يحرق إلى إيطاليا فقط ولكن ولاو يحرقوا في أرواحهم في الشارع آش حطيت للدولة يا ولدي " برودو كنور و إلا برودو الطرابلسية أما إذا كان تحب تعرف الفرق بين وبينك إسمعني في مظاهرات الخبز كان الشعب يصيح و يقول جيعانين جيعانين الخبزة ب170
أما اليوم الشعب يصيح ويعيط التشغيل إستحقاق يا عصابة السراق يا عصابة السراق تعرف آش يقصدوا تعرف آش نية معناه هذا يا زين يا مدك
أنا يا بابا ما سرقتش حتى كان فما حويجة راهي خفافي من الفوق الفوق أما إنت و جماعتك راكم إعمالتوا العار بقعتوها بالعربي عينى عينك الشئ ولى .
ما كومش مفلتين أراضي لا مفلتين معامل ولا مفلتين بنوك ولا مفلتين عقارات ولا مفلتين فريب ولا مفلتين موز ولا مفلتين تن ولا مفلتين حتى شئ حتى البابورات إمتاع التوريسات سرقتوهم يا رسول الله شئ يعمل العار
شها الهم هذاي سرقة في الداخل وفي الخارج عينى عينك وتو جى عندي تحب نعاونك لي وليك ربى ليى وليك ربي الله غالب يبطى شوية سي الزين .
بن علي : براس لعزوزة يا سي لحبيب ماني وليدك راني مخنوق مخنوق موش عارف آش نعمل دارت علي الدنيا مرة واحدة و الكارطة معادش ماشية معاى
بورقيبة : الكارطة الكارطة أذا ك أعلاش تعاني اليوم لقصر رديت هولي قهوة الشقني إنت و الطرابلسية إمتاعك في أيامي أنا لا كارطة ولا مزود في القصر إيه يا ناري عليك يا قرطاج يا ناري عليك يا عليسة كان جيت نعرف لقصر يصير فيه هذا راني خليتك تخدم مع الأمريكان في بولونيا و أنا رايض إيه غلطة عمري .
أما شوف يا زين أنا مانيش باش نخلاها بيك أقرب هوني وإحل وذنيك إمليح
تعرف الحل أشنية برى أعمل زيارة فجئية إلى سيدي بوزيد وحاول مصكي كالعادة هاتو شعبيتك إتزيد و الناس تريض ويقولوا الرئيس حنين و ما فى بالوا بحتى شئ الرئيس خاطيه

بن على : يا سي لحبيب آش من زيارة فجئية و آش من شعبية وراس ولدي كان يشدوني في سيدي بوزيد ما ياكلولي اللحم إمتاعي قالك نمشي عندهم لا لا يا سي لحبيب شوفنا حل آخر
بورقيبة : باهي هاو نعملوا حاجة أخرى
طرد الوالي متاع سيدي بوزيد و حاكمو كيما عملت أنا مع مزالى و مع المسؤول متاع الزبلة
زكرياء بن مصطفى في حكاية الخبز في 3 جانفي 84 وهكاكة تخرج منها كشعرة من العجين
بن على : يا سي لحبيب راني خممت فيها من النهار الأول و لكن خفت للوالى يتقرع كل شئ وإلا يدخل للحبس سارق يخرج منه يصلى وقتها عاد ترصلي نعاني أكثر عاد خليه سارق خير
بورقيبة : يا زين راك طلعتلى السكر و مرضتني تو شنية تو ماك قابل حتى حل
آش تحب نعملك أنا قتلك من الأول راهي المسألة صعيبة برشة وإنت رأسك صحيح وزاد كملت عليه الصبغة تسكر جملة واحدة برى إمشى شوف عراف كالعادة .

بن على : وراس ولدي كان ما تشوفليش حل يا ما إنحطها في رأسك إنت و نثبت إنك إنت وعائلتك سرقت أموال الدولة و خليتو الكاسة فارغة هاذاك أعلاش ما عاندي منين نصرف و نخدم البطالة و المتعلمين في سيدي بوزيد
بورقيبة : صار هاكة لحكاية و ليت تهدد في يا لى ما تحشمش
والله كان ما تخرجج من هوني يا ما ننتحر و نخلط على جماعة سيدي بوزيد عال خاطر أنا بيدي من أصحاب الشهادات العليا و عاطل عن العمل منذ 87 إما إنت إبكي على همك لا صنعة
لا شهادة ما تعرف كان تدوير الأصابع تخرج من القصر يأكلك الحبس .

انقر هنا لقراءة الخبر من مصدره.