يا سيدي اليوم دخلت لسوق الحوت ويا ليتها من عملة ,,, ضرب بونية وزحمة تطلع الروح والكل واقف ويهز في راسو باش يزيد في السوم هزّة الراس تسوى دينار وخلّي عاد من الجماعة إلى تزيد في السّوم وهي ما تشري شيء ويستعملوهم باش يرفعو في الاسوام .. و من الجماعة الي تستنى في هالمناسبات باش يدورو صباعهم ,, ومسكين إلى يدخل وفي جيبو شهريتو … ترصيلو لا حوت ولا هم يحزنون ويكمل الشهر يتسلّف ,, يا سيدي الحوت انواع وكل حوّات يتفنن في الغشّة والذيب يولي مناني والسبتة تولي حنش وهات من هاكة اللاوي .. ومسكين الي ما يفهمش وحتى إلى يفهم مسكين ,, وكل عام وانتم بخير