والله العظيم الواحد قلبو يوجعو قدّام الجشع وقلّة إنسانيّة بياعة الحوت المالح يا عباد ربّي ياخي ما يخافوش ربّي ؟ ما يعرفوش إلى الحوت الفاسد الي يحاولو يبيعوه لخلق الله ممكن يتسبّب في كارثة ؟ حرام عليكم والغشاش ما يباركلوش ربّي ومهما رصّص فلوس في البانكة ما يباركلوش ربّي على خاطر إذا ما دعات الحلوق تدعى العروق … اليوم اعوان الصحّة مسكوا اكثر من 300 كيلو من الحوت الفاسد في سوق صفاقس ..أكيد يعرفوه فاسد وما عندهمش الشجاعة يوكلوه لصغارهم آما صغار الناس ما يسالش وبعد يقلك والله راني صايم .. تو هذا صيام … ربي يتولاهم