في تدوينة على صفحتها على موقع التواصل الاجتماعي فايسبوك حددت الإعلامية نزيهة رجيبة موقفها بشكل نهائي من كل من حركة النهضة والترويكا عامة، وكذلك من الباجي قائد السبسي رئيس حركة نداء تونس، ومن الدساترة أو التجمعيين العائدين بقوة إلى الحياة السياسية، وكذلك المنصف المرزوقي. وقالت أم زياد في إصدارها اليوم أنها دافعت عن النّهضة و الترويكا عامّة ''على حقّها في أخذ فرصة للبرهنة على جدارتها بقيادة المرحلة و رفضت مهاجمتها على أساس أيديولوجي (برنامج حوار خاصّ على قناة التّونسيّة مباشرة بعد الانتخابات حيث قيل لي "أمّ زياد هاذي ميش متاع العادة...و قصّت ظوافرها قبل ما تجي للبرنامج "..........لم أبدأ بمهاجمة النهضة الّا .....بعد ما كشّرت على أنيابها و بدأت تحاول في بلع البلاد و تفسّد في غايات الثّورة ''. وبالنسبة لنداء تونس و الباجي قالت ''قدّرت دور قائد السّبسي في المرحلة الانتقالية الأولى ...لكن نسّبت هذا الدّور في نفس الوقت ....و قلت نداء تونس ما زلت ما نعرفوش ...و مش نقول رأيي فيه بعد ما نعرفو أكثر ..و كان هذا في برنامج الأحد السياسي على قناة ''نسمة'' ....و ما بديت نهاجم في النداء الّا بعدما توضّحت ملامحو التّجمّعيّة و الانتهازية ....و نزعتو لاستغلال خوف الناس على مصيرهم لتحريف وعيهم و اكراههم على اختيارو ......تحت ضغط التّخويف ...فقط لا غير ''. وفيما يتعلق بالدساترة و التجمعيين قالت ''قلت إنهم توانسة كي التوانسة الكل لكن ما يلزمش ينساو أنهم كانوا جزء من نظام ...خرّب المؤسّسات و اعتدى على الحقوق و الحريات و سلّم تونس لمافيا شنيعة...و عليه يلزمهم ينقدو أنفسهم و يعترفو بأخطائهم ...و يبعدو مؤقّتا على الحياة العامّة ....حتى يتغيّرو و يرجعو بنفس جديد و رؤية أنظف ......و ما بديت نهاجم فيهم الّا بعد ما رجعو بها الكمّ الهائل من العنجهيّة و صحّة الرّقعة ..و خاصّة بطرقهم المعهودة في التزييف و الكذب و السلوكات المنحطّة '' وقالت بالنسبة إلى المنصف المرزوقي ''دافعت عليه في الأوّل من هجمات شفتها ذات طابع شخصي (انا نعرف اصولها و حقائقها )...و قلت انو هو زاده يلزم ياخذ فرصتو باش يبرهن على ديمقراطتو و على تمسّكو بالمبادئ اللي طالما مجّدها ...و كذلك قلت و ما زلت نقول أنّو من الانحطاط الاخلاقي مهاجمتو (هو و غيرو ) باستعمال معطيات شخصية و خصائص خلقيّة و ألقاب هجينة و مستهجنة من طرف ناس ما كانوش يتجرّأوا على نقد خيّاطة ليلى الطّرابلسي .....و ما بديت نتقلب عل سي المنصف الّا بعد مما عاينت انقيادو للنهضة و لممثّليها في المؤتمر و في القصر و بعد ما عاينت تنكّرو للمبادئ اللي ناضلنا من اجلها (خاصّة التداول على السلطة و احترام الآجال ) ....و كان من الاشياء الكريهة اللّي أثّرت في موقفي مواصلتو الحديث عن الشّرعية بعد ما انتهات الشرعية ....و حزنت برشة وقت اللّي ذكّرو بهذ الامر السّبسي اللي عندو في الCV متاعو عدّة انتخابات مزوّرة و زوز رئاسات مدى الحياة... ....بالمختصر المفيد مواقفي واعية و مسؤولة و ميش ظالمة و لا متحاملة و لا مجانية ....و مش نواصل نقول لا لعودة الرّباعي الّذي جرّب فلم يصح : النهضة و السبسي و التجمع و المرزوقي ...تونس أوسع منن هؤلاء .....يا هؤلاء'' حسب قولها.
