الجريدة: فاتن وجّه النائب بالمجلس الوطني التأسيسي إبراهيم القصاص رسالة مضمونة الوصول الى رئيس المجلس مصطفى بن جعفر يمهله فيها 3 أيام لعيد له حقه وفق قوله. وكتب ابراهيم القصاص على صفحته الخاصة على شبكة التواصل الاجتماعي أنه لن يسكت على حقه مقدّما مهلة لن جعفر إلى يوم الجمعة المقبل الذي ستفتتح فيه الجلسات للتصويت فصلا فصلا على الدستور وفق قوله قائلا " يا حقي يوصلني يا لا ثمة دستور ولا ثمة جحيش وطني ولا خارطة كياسات". وجاءت رسالة القصاص لبن جعفر كالآتي:"شوف يا ولد الناس اليوم الاثنين وما زال على يوم الجمعة ثلاثة ايام يعني ما زال عندك وقت باش تبعثلي الحق امتاعي . يا سي مصطفى راهو موش القصاص الي يسكت على حقه . انت ناوي يعني يوم الجمعة باش تفتتح الجلسات متاع التصويت فصلا فصلا على الدستور .وأنا نقولك ما تفرحش برشة على خاطر القصاص موش باش يخليك تفرح وباش يفسدلك الملعوب بكله باهي يا معلم . سكتت على ظلمك برشة أما المرة هاذي ودويو . يا حقي يوصلني يا لا ثمة دستور ولا ثمة جحيش وطني ولا خارطة كياسات . أنا هاني بلغتك وقلت ما عندي وانت عقلك في رأسك وأعرف خلاصك . وراني حلفت باالله وأعرفني باش حلفت . ويهديك لا عاد تبعثلي المستشار متاعك ولا عاد تقلي ارجع للنزل على خاطرني ما نيش بهلول باش تعديها سيادك علي تدفع للنزل ثلاث ملاين وست ميات دينار في الشهر كراء الغرفة متاعي عادي ولما انقولك أعطيني تسع ميات دينار نكري بيهم البرة وخلي زوز ملاين وسبع ميات دينار في خزينة الشعب نبدى سارق . أنا مانيش طيارة في الحساب أما بربي فسرلي أشنية اللعبة بالضبط . موعدنا يوم الجمعة والسلام..".
