رغم انها ليست محللة سياسية.. ولا تدّعي في العمل فلسفة فإن فاتن الفازع ابنة الكاتب المعروف الطاهر الفازع والمقيمة في ألمانيا هي احسن من علّق على فوز ياسين العياري في انتخابات ألمانيا. لقد كتبت تقول بذكاء شديد: "ما تبهتوش ياسر اللي ياسين العياري ربح، نتبع فيه عالانستغرام ونرى فيه آش يعمل من أوت هبط لألمانيا ودارها من شمالها لجنوبها ، ويمشي للديار ويتضيف ومؤخرا على صفحتو عالفايسبوك كل يوم يعمل ديراكت ويجاوب عالأسئلة ، آنا ما نراش فيه فاش يحكي خاطر ما نحلش آما أكيد برشة شعبوية ثانيا، أحنا الجالية التونسية مانسكنوش بحذا بعضنا اللي هذا تلقى القنصلية تببعد عليه بمعدل 200/250 كم وتسكرة الترينو تلقاها أقل حاجة ب80 أورو بخلاف باش تفطر غادي وما عملت قهوة باش تتكلفلك 100 أورو وانا نأكدلكم اللي أكثر من نص العباد موش فايقة جملة اللي فما انتخابات ياسين على عكس ما تستخايبو ماهوش بهيم، ريتو في فيلم أولاد عمار مصورينو قبل وبعد الثورة تقول زوز من ناس حتى من لهجتو ردها كي متاع الريف في انتخابات 2011, انسان وصولي وانتهازي آما موش بهيم البهايم بالحق مواطنينا بالخارج بخلاف الكعبتين وكعبة اللي يخرجو يقراو والا بعض اللي يخلطو على رجالهم وهذا الشي معروف أنهم بصفة عامة جهال وماكم تعرفوهم زايد نحكيلك عليهم ولذا ياسين بالنسبة ليهم هو الحلم، صغير ويعرف نفسيتهم ويقلهم اللي يحبو يسمعوه راهو الشعب التونسي ماهوش أحنا ! الشعب التونسي هو العباد اللي تحط كومنترات في صفحة موزاييك ويسبو هند صبري كي تلبس ديكولتي وكي يموت عبد مشهور يقولو يستاهل وتو يدخل للنار ياسين نرى في شعبويتو كل يوم عالانستغرام آما موش مكرز جملة بروفيلو غادي ما يسيبش تقيحات فكرية وعمل الحملة الانتخابية بتصاور باكوات الكريستال وأصحنة الكسكسي والملوخية تحت شعار كيلو كسكسي شمسي لكل فرار وفرارة انتخبوه"
