تورس : ابنة عبد اللطيف العلوي تؤكد اختفاءه وتناشد السلطات لتحديد مكانه

وزير الشؤون الاجتماعية يكشف: عائلات تتمتع بمنح دون وجه حق..#خبر_عاجل عاجل/ غلق هذه الطريق بالعاصمة لمدّة 6 أشهر تصفيات مونديال 2026: لامين يامال يغيب عن مباراتي إسبانيا الأخيرتين واتحاد كرة القدم "مستاء" عاجل: كريستيانو رونالدو يعلنها ''كأس العالم 2026 آخر مشاركة لي'' فريق من المعهد الوطني للتراث يستكشف مسار "الكابل البحري للاتصالات ميدوزا" تطاوين : افتتاح مركز شنني لتثمين التراث بتعاون تونسي-بريطاني لتعزيز الحرف التقليدية والتنمية المستدامة وزارة الشؤون الثقافية تنعى الأديب والمفكر الشاذلي الساكر الفواكة الجافة : النيّة ولا المحمّصة ؟ شوف شنوّة اللي ينفع صحتك أكثر 11 نوفمبر: العالم يحتفل ب''يوم السناجل'' تونس تتمكن من استقطاب استثمارات أجنبية بأكثر من 2588 مليون دينار إلى أواخر سبتمبر 2025 عاجل/ وزير النقل يكشف عدد القضايا المرفوعة ضد "تونيسار" بسبب تأخر الرحلات عاجل: تونس وموريتانيا – 14 ألف تذكرة حاضرة ....كل ما تحب تعرفوا على الماتش! عاجل-شارل نيكول: إجراء أول عملية جراحية روبوتية في تونس على مستوى الجهاز الهضمي النادي الإفريقي: خلية أحباء باريس تتضامن مع الإدارة .. وتتمنى الشفاء العاجل لكل اللاعبين المصابين الأخطر منذ بدء الحرب/ شهادات مزلزلة ومروعة لاغتصاب وتعذيب جنسي لأسيرات وأسرى فلسطينيين على يد الاحتلال.. علماء يتوصلون لحل لغز قد يطيل عمر البشر لمئات السنين.. عاجل/ في عمليتين نوعيتين للديوانة حجز هذا المبلغ الضخم.. من وسط سبيطار فرحات حشاد: امرأة تتعرض لعملية احتيال غريبة..التفاصيل حجم التهرب الضريبي بلغ 1800 م د في صناعة وتجارة الخمور بتونس و1700 م د في التجارة الالكترونية نابل: توافد حوالي 820 ألف سائح على جهة نابل - الحمامات منذ بداية السنة الحالية QNB تونس يفتتح أول فرع أوائل QNB في صفاقس سليانة: نشر مابين 2000 و3000 دعسوقة مكسيكية لمكافحة الحشرة القرمزية عاجل: منخفض جوي ''ناضج'' في هذه البلاد العربية عاجل: ميناء سوسة يفتّح أبوابه ل200 سائح من رحلة بحرية بريطانية! المحكمة الابتدائية بتونس تحجز ملف المحامية سنية الدهماني لتحديد موعد الجلسة القادمة وزير الداخلية: الوحدات الأمنية تعمل على ضرب خطوط التهريب وأماكن إدخالها إلى البلاد تصريحات صادمة لمؤثرة عربية حول زواجها بداعية مصري عاجل : تحرك أمني بعد تلاوة آيات قرآنية عن فرعون بالمتحف الكبير بمصر عشرات الضحايا في تفجير يضرب قرب مجمع المحاكم في إسلام آباد عاجل-وزارة الدفاع الوطني: انتدابات وزيادة في الأجور عاجل/ سقوط سقف إحدى قاعات التدريس بمعهد: نائب بالمجلس المحلّي بفرنانة يفجرها ويكشف.. عاجل: معهد صالح عزيز يعيد تشغيل جهاز الليزر بعد خمس سنوات عاجل/ وزارة الصناعة والمناجم والطاقة تنتدب.. نائب رئيس النادي الإفريقي في ضيافة لجنة التحكيم بعد أكثر من 12 عاما من إغلاقها.. السفارة السورية تعود إلى العمل بواشنطن غدوة الأربعاء: شوف مباريات الجولة 13 من بطولة النخبة في كورة اليد! المنتخب التونسي يفتتح الأربعاء سلسلة ودياته بمواجهة موريتانيا استعدادًا للاستحقاقين العربي والإفريقي عاجل: اضطراب وانقطاع المياه في هذه الجهة ..ال sonede توّضح حاجة تستعملها ديما...سبب كبير في ارتفاع فاتورة الضوء من فصول الجامعات إلى مجال الاستثمار والتصدير : كيف تستفيد تونس من تعاونها مع الصين؟ طقس اليوم: الحرارة في ارتفاع طفيف عاجل/ وزير الداخلية يفجرها ويكشف عن عملية أمنية هامة.. المنتخب التونسي لكرة السلة يتحول الى تركيا لاجراء تربص باسبوعين منقوصا من زياد الشنوفي وواصف المثناني بداعي الاصابة عاجل: حبس الفنان المصري سعد الصغير وآخرين..وهذه التفاصيل النقابة التونسية لأطباء القطاع الخاص تنظم يومي 13 و14 ديسمبر القادم فعاليات الدورة 19 لأيام الطب الخاص بالمهدية مجلس الشيوخ الأمريكي يقرّ مشروع قانون لإنهاء الإغلاق الحكومي ياخي الشتاء بدا يقرّب؟ شوف شنوّة يقول المعهد الوطني للرصد الجوي! الكنيست الإسرائيلي يصادق على مشروع قانون إعدام الأسرى الفلسطينيين في القراءة الأولى العراق ينتخب.. ماذا سيحدث من يوم الاقتراع لإعلان النتائج؟ الدكتور صالح باجية (نفطة) .. باحث ومفكر حمل مشعل الفكر والمعرفة المهرجان العالمي للخبز ..فتح باب الترشّح لمسابقة «أفضل خباز في تونس 2025» جندوبة: تتويج المدرسة الابتدائية ريغة بالجائزة الوطنية للعمل المتميّز في المقاربة التربوية صدور العدد الجديد لنشرية "فتاوي تونسية" عن ديوان الإفتاء شنيا الحاجات الي لازمك تعملهم بعد ال 40 طقس اليوم؛ سحب أحيانا كثيفة مع أمطار مُتفرقة بهذه المناطق محمد صبحي يتعرض لوعكة صحية مفاجئة ويُنقل للمستشفى رحيل رائد ''الإعجاز العلمي'' في القرآن الشيخ زغلول النجار أولا وأخيرا .. قصة الهدهد والبقر

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

ابنة عبد اللطيف العلوي تؤكد اختفاءه وتناشد السلطات لتحديد مكانه

الشاهد نشر في الشاهد يوم 02 - 08 - 2021

نشرت ابنة النائب عن ائتلاف الكرامة عبد اللطيف العلوي على صفحته الرسمية بموقع "فيسبوك" تدوينة اكدت فيها اختفاء والدها لوجهة غير معلومة مبينة ان العائلة والمحامين لم يتمكنوا ن معرفة مكانه داعية الى تحديد مكانه لتمكينه من دواء القلب الذي يستعمله.
وافادت ابنة العلوي ان التهمة الموجهة لوالدها تتعلق بقضية المطار s17 وانه سيتم محاكمة نواب الائتلاف على معنى الفصل 72 م ج "يعاقب بالإعدام مرتكب الاعتداء المقصود منه تبديل هيئة الدولة أو حمل السكان على مهاجمة بعضهم بعضا بالسلاح وإثارة الهرج والقتل والسلب بالتراب التونسي" امام المحكمة العسكرية.
وفي مايلي نص التدوينة
لسلام عليكم.
وصلتني مئات الرسائل و عجزت إتي نجاوب كل واحد وحدو.
الرسائل أكيد زوز أنواع ، نوع إلي يسأل و متحير و يساند و ونوع إن شاء الله يتعدم ان شاءالله تتيتمو .. نتفهم حرصكم الزوز في الحصول على المعلومة على وضعية رجل الأعمال المافيوزي عبداللطيف العلوي ، بش تقيمو نتائج الحرب على الفساد أذاكا علاش قررت نهبط ستاتي .
بالنسبة لسؤال شصار ؟
نهار 25 لطيفة العرفاوي (باقتباس مصطلح الأستاذ Habib Bouajila ) 2021 . هجمو علينا شكون يدعو إنهم من تنسقيات قيس سعيد للدار و تهديد و تو نعملولو تو يخزز فالحبس و ...) احنا 3 بنات فالدار و بابا كان وقتها sous oxygène (86%) خرجو الجيران دافعو عالدار للصباح و تعدات سلمات الحمدلله. اتصلنا بالأمن و جانا للدار مشكور طمنا و روح . لاحظنا من غدوة إلي الدار مراقبة من ولاد (20 ..25 سنة ) لكن كان الهدف الوحيد بين عينينا إنو صحة بابا تتحسن . (فما كاميرا مسجلة كل شيء في النهج )
نهار السبت الصباح ساهرة انا وياه عادي (مقسمين رواحنا فالليل جماعة تعس و جماعة ترقد) الثمنية تع الصباح رقدت مكان فما شيء يوحي إلي هي يمكن آخر مرة نراه عادي قلي بش نحط ماكلة القطاطس و نرقد .
قمت 13h عصوت أمي تلوج عليه ، كل شيء تابعو موجود فالدار دواياتو و مكينة الأكسجين ، طلبناه ميهزش . و بعد جات كراهب حاكم مدخلوش ياقفو قدام الدار يهبطو مالكرهبة و يعاودو يطلعوا.
من نهار إيقاف ياسين العياري و ماهر زيد (الخونة، الإرهابيين. الفساد.رجال الأعمال ) و احنا متحضرين إنهم بش يجونا . لكن قعدو يسألو في صغار الحومة (أقل من 10 سنين) عليه كل مرة يجينا صغير يقلنا راو سألوني تعرفوه الراجل أذاكا و الا لا و بشرة أسئلة...
نص الليل غير اربعة جاونا قرابة 30 راجل civil في كرهبة civil قالولنا ندخلو نفتشو و هاو إذن من وكيل جمهورية ، مديت يدي بش ناخذ الإذن نقراه رجعو للملف . ما إهتميتش برشا لحقيقة ، بحكم ربثة مكبشتش اني ناخذو و قتلو أدخل .. انتوما تابعين أي سلك ؟؟ أمن وطني .
للأمانة مالأول بكل احترام دارو فالدار يلوجو لكن بعد شفت des cameras و حلو فيديوات يصورو فينا انا و خواتي ، قتلو معندكش الحق تصور ، قلي لتوثيق العملية ، قتلو حتى توثيق العملية للدار مش وجوهنا ، لكن هوما قعدو حاطين الفيديو لوجوهنا و كي حطيت يدي قلي مناش صحافة إحنا راو عندنا الحق نصورو هكا ، اتصلت ب 4 محامين لكل قالولي معندهم حتى حق يصوروكم .
بالنسبة لسؤال وينو بوك موقف و إلا لا ؟
لا أحنا لا المحامين نجمو يعرفو ، المحامين يدورو على مراكز الإيقاف خاتر عندو دواء دم مينجمش يقص عليه و الأكسجين آخر ليلة قستلو 91 . فيا ريت إذا كان موقف يقولولنا نجيبولو دواه ، مستعدة نحط في كل مركز توقيف باكو دواء المهم يوصلو واحد مالازموش يقص عليه.
إلي يسأل عالتهمة ؟
قضية المطار s17 ( إلي المرا إلي دافع علاها سيف ليوم تحوس و مثبتت ضدها حتى تهمة كيما يروجو ) تفتح فيها حكم عند قاضي التحقيق و متجبدش بابا و معيطلوش القضاء المدني و القضية ماخذة مجراها عادي مدنيين قدام قضاء مدني في قضية مدنية لا فاها جيش لا عسكر .
نفس القضية هاذي بشهادة الأستاذ Samir Ben Amor "تسارع سلطة الانقلاب في آخر الليل إلى حث إحدى النقابات الامنية على إيداع شكاية ضد نواب ائتلاف الكرامة تتعلق بحادثة المطار التي تعهد بها القضاء العادي منذ شهر أفريل الماضي، و يتم فتح المحكمة العسكرية خارج التوقيت الإداري حوالي منتصف الليل، و يتم تضمين الشكاية فورا، و يتم فتح بحث تحقيقي و إصدار انابة عدلية للباحث بعد منتصف الليل و يتم الشروع فورا في سماع النقابيين الأمنيين و تواصلت السماعات إلى غاية الصباح و في الصباح تتنقل الفرقة إلى محكمة منوبة لانتظار ماهر زيد و اعتقال ب الاعتماد و شكاية منتصف الليل " و تولي قضية عسكرية ، فرسالة اساتذتي فالقانون، مبدأ سابقية التعهد تنجمو تلغيوهولنا من الكور ، غير معمول به.
الفصل القانوني اساس الدعوى حسب المحامين : الفصل 72 م ج "يعاقب بالإعدام مرتكب الاعتداء المقصود منه تبديل هيئة الدولة أو حمل السكان على مهاجمة بعضهم بعضا بالسلاح وإثارة الهرج والقتل والسلب بالتراب التونسي"
هذا الفصل القانوني بش يتحاكمو بيه نواب ائتلاف الكرامة . قدام قضاء عسكري الي صارت فيه التغييرات و الإقالات في إطار تصحيح المسار .
علاش نكتب في هذا لكل كسرتلهم ريوسكم ؟ عندكم حق الزيت موجود و نعمة بالله .
كتبتو بش نوضح للي سألوني صحيح ، لكن بش نوصل بعض رسائل للتاريخ . (خاتر نؤمن بفكرة إلي الفايسبوك فالمستقبل بش يولي متحف تاريخي ينظموه المؤرخين و يجيو صغارنا يتفرجو في الوقائع و المواقف .. يتفرجو في كمنتاراتكم يا فضيحتكم ) :
1- الف قبلة على جبين احرار تونس ، مثقفي تونس إلي عايشوا الإستبداد و يعرفو شمعناها تجميع سلطات في يد شخص واحد ، إلي طبعو بصمتهم في تاريخ البلاد . ألف قبلة على جبين الأساتذة جوهر بن مبارك ، نجيب و عصام الشابي ، الحبيب بوعجيلة ، المرزوقي ، حمة الهمامي ، راضية النصراوي ،حمادي الرحماني، احمد الغيلوفي ، الأمين البوعزيزي .،عماد الدايمي، عياض بن عاشور ، الخال عمار الجماعي ، أبو يعرب المرزوقي و برشأ اسامي .. كل الأحرار إلي مخافوش ،إنتوما النخبة مش بشهاداتكم العلمية كهو ، لكن بتاريخكم و بثقافتكم الحقوقية و قيمكم الإنسانية و نفسكم الثوري . كل كلمة منكم قوة لعايلاتهم و كل لا للإنقلاب منكم أمل لينا . انتوما روح هالبلاد و بش تتعافى بيكم .
عنِ النَّبي صلَّى اللهُ عليه وسلَّم قال: «أفضلُ الجهادِ كلمةُ عدلٍ .."
2 -لعايلات و صغار نواب إئتلاف الكرامة وولد ياسين العياري ( إلي شواني في بابا لكن نسامحو) ، ريوسكم عالية لفوق انتوما فديتو بلادكم ، دعوتكم ديما "ربنا إن عم الظلم فإجعلنا من المظلومين و لا تجعلنا من الظالمين و حسبنا الله و نعم الوكيل" افتخرو بكل كلمة حق خرجت من فم الوالد ، بكل مرة رماو رواحهم في محرقة على خاتر ثورة الشعب و كرامة ، بلهفتهم عالحق وجعوا برشا و عماولهم قلوبهم و خرجولهم أسوء ما فيهم ، قهروهم كي علو صوتهم ضد الفساد النقابي ، ضد التدخل الخارجي ، ضد الإجراء الحدودي الغير دستوري ، ضد استباحة مؤسسات الدولة ، وجعوهم عامين ياخي إستباحو أعراضهم بكل أنواع الإشاعات. نوابنا من اول نهار فالمجلس دخلو و هوما عارفين إلي هوما قاعدين ينتحرو بالشوي على خاتر كرامة الشعب. نقلكم نعرف إلي انتوما خايفين، لكن هذي سنة الحياة ، من سورة البقرة ربي حط قدامنا الصراع مع الأمر الواقع المر ، ما كذبش علينا و صدمنا من غير تجمييل حكالنا عالكوارث الطبيعية وغير الطبيعية؛ ظلم واستبداد واغتصاب وقتل وسفك للدماء و حروب...و لآخر سورة فيها التعوذ من الناس ... هذه هي سنة الحياة و "بشر الصابرين "
3- باعتبار إنو أسوء سيناريو يصير إنو المحاكمة تبقى عسكرية و يتطبق عليهم فصل الإعدام ،( مبروك للتوانسة طالبتو بتطبيق الإعدام ضد مغتصب رحمة ؛ لكن هاو يمكن يتطبق ضد العلوي) ، لكن كي خممت فاها مهوش خايب لهالدرجة . يعني إذا كان سال دم نواب إئتلاف الكرامة و تحكم عليهم بالإعدام في القضية العسكرية و تلوحت المدنية ؟ تشبعو عطشكم ؟ سي هيكل المكي بربي جواب ؟ سي لطفي العماري ، مادام عبير ، ؟ سي هشام العجبوني ؟ سي نبيل الحاجي ؟ مسيو و مادام عبو تشبعو ؟ سي سالم الأبيض؟ أستاذ محفوظ ؟ الأستاذة ليلى تع شهادة الزور ... بربي جاوبوني ، كان جوابكم أي، فنعمة بالله إن شاءالله فداء هالبلاد و يرجع الشعب يسامح روحو و تعنق الناس بعضها و يفيقو من الدمغجة إلي صارتلهم سنين ، الشعب إلي يضربو فيه المثل في عدم قيام حرب أهلية و في التعددية و الديمقراطية . إن شاء الله
شنوة بقى ؟ حقهم هوما؟ حق عائلاتهم ، بش نحاربو عليه لآخر نفس نتبرعو بيه للآخرة ، وقتها مفماش تعيينات و ولاءات مع الله العدل الحق و عند الله تلتقي الخصوم .
4 - لفخامته رئيس الجمهورية قيس سعيد ،نطمنك مندمناش ،خاتر وقتها انتخبنا إلي شفنا فيه روح الثورة ، إلي قال التطبيع خيانة عظمى ، إلي كان قبل ما يولي رئيس كي يظهر فالإعلام يدافع عالدستور و ينتقد إلي يتعدو الدستور ،. مغير ما يوقفو حد و إلا يسكتو ، نكذبش عليك ريناش فيك دكتاتور . بابا إلي قلت إنك تقرالو كتباتو ، إلي اقنعوك إنو عدوك ، عمرو ما خرج في إحياء عيد ثورة و إلا اي احتفال إنتخابي ، خرج كي ربحت انت و يعطي فالتصريحات للقنوات بالعلم على أكتافو في شارع الحبيب بورقيبة و يقول ليوم اطمأنينا عالديمقراطية ، إلي باتو يبكو نهار فوزك ، انتصرتلهم ليوم .. و إلي عطاوك الأمانة ؛ خنتهم ، خنت الأمانة سيد الرئيس. ( عمري ما تصورت روحي نكتب بعد الثورة و انا نخمم يمشوش يوقفوني )
هو حتى مديرة ديوانك ، الأستاذة نادية عكاشة ، حصلي الشرف كنت من طلبتها و مغبتش علاها حصة محسيناش فيها إلي قالوه فيها .. بلعكس كان مقربة برشا لصاحبتي و كانت ديمقراطية ، حقوقية ، المهم، مادام إن شاءالله تكون مزلت ،خاتر الحقوقي يرفض المحاكمات العسكرية، يرفض تلفيق التهم ، يرفض غناية بصوت إلي باركت مجزرة قتلت صغار في بلد شقيق .
5 _لشعب الفايسبوك ( منيش نحكي مع جيل الهاها و الup ) اتقوا الله في بلادكم و إتقوا الله في كلامكم ، اقروا تحاليل و قراءات الأساتذة مهما كان موقفكم ، أقروا للي يحبو يفيقوكم من التخميرة ، إلي يعطيوكم في قراءات إقليمية قانونية حقوقية دستورية ، و بعد عبرو و اتقو الله في كسر الخواطر : بنت العفاس و مرتو محلوش فيديو يتذللوكم و إلي يستعطفوكم .. لااا خاتر عميت القلوب، حلوه ينقلولكم ..،كيف كيف مرت العياري و اختو ، الحقد عماكم ، كي يقراو الي كتبتوه ... (أختي الصغيرة تقرى و تقول اهوا يا ربي و هذا ) المهم الله يقويهم.
حد ما ينجم يردكم ماكينات بلا قلب ، هاذم اعدائكم الي خرجتو في كراهبكم تزمرو ضدهم ؟ (عذكر التزمير ندعو لتقديم مشروع قانون لإلغاء الإنتخابات و نولو كل عامين نخرجو يزمرو ، الي يزمر أكثر يربح ) باهي و علاش أعدائكم؟ علاش خاتر ممشاوش معاكم نفس الموجة ، باهي ميسالش قولو ثورة ، الثورات تكون في لحظات الوعي مش الدمغجة و السبات ، تصطفوا فيهم وراء المثقفين (و مش عيب و إلا إنقاص من قيمة حد ، خوذو الثورة الفرنسية مثال )
و السؤال هو هل إنو جيل واحد ينجم يكون شاهد على زوز ثورات حقيقة صادقة؟ لا ... هل ثورة 11 جانفي 2011 ماكانتش حقيقية صادقة ؟؟ ثورة قطعت مع القمع و الاستبداد ، ثورة الحرية ( تنجموا تجاوبو )
6- اخر رسالة لبابا ، :"هل جزاء الإحسان إلا الإحسان " منعرفش كان شتقرى كلامي ، اما فما برشا كلام مقلناهوكش ، نحبوك قد الدنيا و فخورين بيك لآخر نفس ، توحشناك برشا بلاصتك فالدار قد الدنيا حتى القطاطس ميقعدو كان عالبنك متاعك ، أنا متأكدة إلي انت متوحشنا زادة (خاصة انا ) و ميسالش توحشنا أما متتحيرش علينا ، كيما علمتنا ريوسنا عالية و قويين احنا ظهرك و انت ظهرنا ، السجن السياسي عشتو في وقت بورقيبة و بن علي ، مكش بش تخاف منو توا ، كتاباتك اترجمت للغات اخرى و تنشرت فالعالم و بش تشهد عليك إنك بقلم حاربت الظلم و الإستبداد و العمالة و الإرهاب و عمرها اكيد اطول من عمر كل من قال فيك كلمة ، ندعولك ديما و كان تشوف دعاء الخير و شهادات الناس إلي عاونتهم ، إحنا ربي هبط في قلوبنا الصبر بابا والله واقفين و قويبن إيماننا بربي قوي و إن شاءالله إنت زادة تكون بنفس القوة راك جبل يا بابا . و انا متأكدة إلي انت بش ترجعلنا سالم ، لكن لو شاء ربي و ظلموك بسنين حبس ، ربي فوقنا و فوقهم و لا حول و لا قوة إلا به ونحاربو عالحق لآخر دقيقة و لو شاء ربي اختار روحك لتونس ، ماكش خير من آلاف الي سقاو الأرض بدمهم ..خليهم يزيدو يغرقو بصمتك فالتاريخ و نزيدو إحنا نفتخرو بيك و تكون إنت بحذا عمي تميم نعرف قداش توحشتو
نحبوك برشا و عيشك على كل شيء إلي خلطت تعملهولنا و إلي مخلطش نعرفو إلي انت حاولت
كون قوي بربي و "لا تقنطوا من رحمة الله "

انقر هنا لقراءة الخبر من مصدره.