رذّا على خطابك بالأمس,هاك الرّدّ العاجل,من أغلب أفراد الشعب عدى الانتهازيين. شبعت وشبعت وراك الهيئة اولاد بن علي واولاد الطرابلسية الارهاب الانقلاب يوم السابع خديعة عصابة سوء دستورية نهار سبت زيّ اليوم فيه نتابع فرحة كبيرة الشعب ماله دية لا ظلم بعد اليوم كذبك نابع من ڤلب ڤاسي الحقد عنده سجيّة أقسمت ع القرآن وانت كاذب عمرك ولا صلّيت في الفجرية هذا كلامك حسب ماهو كاتب صحافي سعودي والصّحف مكّية الدّين لا اكراه لكن حابب يُصدُق كلامك لاش تخدع فيّ امشي مع الكذاب حتّى الباب سرنا مشينا وراءك ليّة بليّة حتّى سبرنا أغوارهم لكلاب سياسة يسار ووجوه ماسونية ويهاجموا في الدّين باب بِبّاب التّيّاب قالوا جموع ارهابية أمّاالصلاة والدّين صار إرهاب تهمة وجريمة خيوطها غربية الإرهاب ها يا شين موش حجاب وتعلّقه للشعب في العدلية الهروين واليختات والشّراب هاذي الفضايح ما بقت مخفيّة أمّا السّرايق سطو وانتهاب الشّعب عانى يا كبير السّيئة الشّعب فايق واللّي عايل تاب الإسلام هو الحلّ للقضيّة الإصلاح موش اليوم يا كذّاب السّوّء فاتك روح ننّي شويّة يزّيك يا مجرم سليل إرهاب الشعب طالب محكمة دولية انت و ليلى وحزبكم ع الباب وأنسابكم والعائلة جمليّة الله أيهزّكم في ليبيا سيّاب ولاّ جهنّم في الوطى منفيّة أمّا البقاء حلّوا عليه كتاب الشّعب رافضكم مِايا بالميّة ابوجعفرالعويني11/01/11