بعد الضجة التي اثارها الرجل الذي ظهر في برنامج علاء الشابي على قناة الحوار الذي قال على المباشر انه متزوج بجنية وتصرف تصرفات غريبة خرج احد اقاربه وهو الصحفي مهدي عبيد ليعلن حقيقة عمه وليؤكد انه مريض بالاعصاب ووقع استغلاله من طرف قناة الحوار وتقديمه في صورة مسيئة له ولعائلته. وفي ما يلي نص التدوينة التي نشرها ابن شقيق الضيف على صفحته الرسمية بالفيسبوك : “نحب نعلمكم انو الشخص الي تعدا البارح في برنامج المسمي علاء هو عمي و مانيش حاشم به لا هو و لاني حاشم من عايلتي ، إنسان مريض بالأعصاب و معروف في حمامات بالحكاية هاذي و تم إستدراجو للبرنامج بطريقة قذرة و قذرة جدا ، تم إستغلال وضعو النفسي و الصحي باش سي …. يعمل منو تكركيرة في البرنامج ، عمي كيف هزيتوه يا سي …. ما شربش دواه و خليتوه نهارين بلاش دواء لين وصلك نهار التصوير طايح زبدة و جاك في طبق باش كركرتو تعرف شمعناها الي صار البارح اسمو ارهاب إعلامي ؟ الراجل استعرفلك يقولك مريض بالأعصاب و أحنا كعايلتو جبنالكم شهادة طبية و طلبنا منكم عدم بث الحلقة أو أضعف الإيمان حذف المقاطع الصادمة التي أظهرت إنكم قناة لا تحترم أخلاقيات المهنة و لا قانون صحافة . سأكشف لاحقا عدة حقايق و بالأدلة على حلقة البارح و سيتم تقديم قضية و شكاية للهايكا . بالنسبة للعباد إلي تتشمت في راجل مريض ما نلومش عليكم خاطر انتم بيدكم مرضي أما نلوم الحمامية و أكثرهم أصحابي و يعرفوني رغم هذاكا تطيحتوا القدر و شيختو رواحكم بالشماتة و من ليوم أقسم بالله لا عاد نرحم حد لا زميل لا ولد حومة لا صاحب ان شاء الله واحد فيكم يجي تحت إيديا .
