عبدكم المقهور ناقص فهم برشة ...ويعاني من بطء في الفهم حار فيه الأطباء...ولذلك لا تلوموني اذا صارحتكم أنني الى الآن وبعد 8 سنوات من عملة البوعزيزي لم أفهم ديموقراطيتكم...هل هي من جنس الملائكة...أم من جنس الجن...بجاه ربي خذوني على مستوى عقلي المخروب...وفهموني...ثمة ديموقراطية والا ما ثماش ...انني اسألكم لأنني سمعت أن أهل الربط والحل من كبار الحومة اشترطوا على الشاهد أن يواصل رئاسة الحكومة بشرط ان لا يترشح في الانتخابات القادمة...يعني شرط العازب على الهجالة و على طريقة البيع المشروط.. ... اما تشري الياغورت والا ماثماش حليب...فبرحمة والديكم توة هاذي ديموقرطية والا هي اشرب والا طير قرنك