تونس معطوبة على امرها اراها مغلوبة الميزانية منقوبة واكثر السلع مضروبة نمشيو حفايا على ارض الغشّه وبعضنا يحير اش يتعشى الاجواء في البلاد عمشه والشعب تاعب برشه برشه كيلو الحب بين بعضنا صار 10 قرام والميزان ما عادش يوزن بالكيلو ..وصار بالمائة غرام كل شي في العالي .. حتى خضرة الزوالي ما عادش لاحق عليها خدام الحزام ..وزيد عليها زيد البلاد فرغوها من امّاليها وبرشة دماغات هاجرت ولا حد لاهي بيها ..برشة يقولوا تونس وقتاش تولي حرة على خاطر برشة سلعة خرجت لبرّه عهد الخير هزوا فيضان الفساد والبلاد ما عادش بلاد والعباد ما عادش عباد والسراق ولاو اسياد