يا والله حوال …. التونسي كلاها لا تقرى ولا تكتب … كلاها على الصيام وهو موش فايق … زيادة ب 100 مليم غير قابلة للنقاش وكيفاش نناقش " التكنوقراط" راهم تكنوقراط ويعرفو مصلحتنا خير منّا إحنا …. ويعرفو وقتاش يقرّروا الزيادة وقت إلى الشعب الكريم لاهي في شهر الصيام وفي السخانة والمواطن يا سيدي بن سيدي " ما عادش فاهم شيء الزيادة في كل القطاعات وفي كل المواد كل يوم ضربة جديدة في بلاصة جديدة … سي التكنوقراط ما يهموش التونسي والغلا وصعوبة العيش سي التكنوقراط ما يعرف كان القلم والحساب وزيد في كلّ شي مادام المواطن ساكت ويدفع ويصرف وياكل في اللحم والدجاج وحتى البانان … زيدو في المازوط والبنزين ما دامو قابل وساكت وراضخ رغم صوت الانين الي نسمعوه من الزوالي … موش كان نرجعو للكاليس والكريطة خير وخليلهم مزوطهم يعومو فيه ؟