ما نجمتوهاش على خاطر واقفة للبلاد، واقفة للعايلة، واقفة للادارة، واقفة للدمار والتخلف والجهل... تقعد عقدتكم مراة، اسمها بشرى والا مايا والا الفة والا سعيدة والا امال والا نايلة والا سوسن...تقعد عقدتكم ذكورية متخلفة كيف مرشحكم الذكوري المتخلف اللي ماشي في باله رجالنا تصرف علينا وفلوسنا نخبيو فيهم في البانكة... تقعد عقدتكم المراة التونسية، الفلاحة، الطبيبة، المحامية، الموظفة، العاملة، الام اللي تهز في الخمج متاعكم وتطيب لكروشكم الجيعانة، وتعطي مصروف القهوة، وتقوم على النجمة باش تحضر الفطور وتهز الصغار يقراو... تقعد عقدتكم المراة التونسية....حفيدة الكاهنة وعليسة واقفة في حلق الخوانجية كيف الشوكة...نهضة والا سلفية والا تحرير والا روابط العورة والا الخوانجية اللي بكوستوم وكرافات... والبلاد هذي نفديوها بالدم...بالفعل موش دقان حنك...