منذ صباح اليوم وأنا "نحمد في ربي ونعاود" لأنني لست فلنديا ولا احمل الجنسية الفلندية فبجاه ربي تصوروا لو كنت اعيش في فلندا و"تولي تحكم في بلادي رئيسة حكومة فرخة طائشة عمرها 34 سنة مازالت تشطح على طار بوفلس ...ومازالت تلعب بالبسكليت"...بالله تصوروا ..."يعني مايكفيش انها امراة وزيد صغيرة ونعطيوها القيادة باش تهردنا وادخلنا في حيط وتغرقنا في الديون وتخلقلنا ألف مشكلة وربما تونس تستعمرنا جملة "... عاد موش الواحد يحمد ربي ويستكفى بنفسو ويشمت في الفلنديين اللي اختاروا رئيسة حكومة صغيرة ويقوللهم لا يرد فاس على هراوة ودبرو روسكم وهانا احنا خير منكم على خاطر نعرفو اشكون يحكمنا...ونعرفو روسنا من ساقينا…